web counter
LEXO PA REKLAMA!

SHKARKO APP

App Store
Google Play

Përfitoi 21 mijë euro nëpërmjet mashtrimit/ Pranga 40-vjeçarit të shpallur në kërkim

15 Nëntor 2025, 11:26, Kronika CNA

Përfitoi 21 mijë euro nëpërmjet mashtrimit/ Pranga

Policia e Tiranës ka arrestuar një 40-vjeçar, i cili i mori një shumë monetare nëpërmjet mashtrimit një personi.

Konkretisht ka rënë në pranga A. B., i cili rezultonte i shpallur në kërkim pasi është dënuar në vitin 2024, me 6 vite burg për mashtrim.

40-vjeçari përfitoi nga një person 21 mijë euro me pretendimin se do t’i siguronte dokumentet për të udhëtuar drejt SHBA-së

 

Njoftimi i policisë

 

Tiranë/Finalizohet operacioni policor i koduar “Pasoja”.

I mori një shtetasi, 21 000 euro, duke e mashtruar se do t’i siguronte dokumentet për të udhëtuar në SHBA, kapet 40-vjeçari i dënuar me 6 vjet burgim për këtë krim.

Si rezultat i kontrolleve dhe punës operative, me objektiv kapjen e shtetasve të shpallur në kërkim, të akuzuar/dënuar për vepra penale të ndryshme, shërbimet e Komisariatit të Policisë Nr. 2, në bashkëpunim me specialistët e Seksionit për Hetimin e Krimeve Ekonomiko-Financiare, finalizuan operacionin “Pasoja”, gjatë të cilit u lokalizua dhe u ndalua shtetasi i shpallur në kërkim, Ahmet Bellahu, 40 vjeç.

Gjykata e Tiranës e ka dënuar 40-vjeçarin, në vitin 2024, me 6 vjet burgim, për veprën penale “Mashtrimi”, me pasoja të rënda.

Në këtë vit, ai përfitoi nga një shtetas, 21 000 euro, nëpërmjet mashtrimit se do t’i siguronte dokumentet e nevojshme për të udhëtuar drejt Shteteve të Bashkuara të Amerikës.

Materialet procedurale iu referuan Prokurorisë së Tiranës, për veprime të mëtejshme./CNA





Lajmet e fundit nga