web counter
LEXO PA REKLAMA!

SHKARKO APP

App Store
Google Play

Vrasja e dyfishtë në Tetovë/ Detaje të reja, pranë viktimave u gjetën dy armë zjarri

28 Dhjetor 2023, 11:48, Kronika CNA
Vrasja e dyfishtë në Tetovë/ Detaje të reja, pranë
Foto nga vendi i ngjarjes

Detaje të reja janë zbardhur nga ngjarja e djeshme në fshatin Çellopek në Tetovë, ku humbën jetën dy persona dhe mbetën të plagosur dy të tjerë. 

Policia njofton se në vendngjarje janë gjetur tri armë zjarri, njëra e cila iu sekuestrua 60-vjeçarit që dyshohet si autor, dhe dy të tjerat u gjetën pranë dy viktimave, trupat e të cilëve janë dërguar për autopsi. 

Sipas Policisë, njëra armë i është marrë të arrestuarit, ndërsa dy të tjerat janë gjetur në afërsi të të ndjerëve F.Xh. dhe M.Xh.

Theksojmë se ngjarja e djeshme ndodhi pas një sherri për parkim.  

"Me datë 27.12.2023 rreth orës 14.30 në fshatin Çellopek Tetovë, zyrtarë policorë nga SPB Tetovë – Reparti Policor Zherovjanë, kanë ndaluar I.I.(59) nga fshati Çellopek, duke vepruar pas raportimit se rreth orës 14:10 në fshat me armë zjarri ka vrarë të afërmit e tij F.Xh.(52) dhe M.Xh.(28) dhe ka plagosur A.Xh.(54), të gjithë nga i njëjti fshat.  I dyshuari, i cili gjithashtu është lënduar me armë zjarri, është ndaluar në stacionin policor dhe është dërguar në Spitalin Klinik të Tetovës për ndihmë mjekësore. Vendi është kontrolluar nga prokurori publik dhe ekipi inspektues i SPB Tetovë, gjatë të cilit janë gjetur dhe konfiskuar tri armë. Njëra armë i është marrë të arrestuarit, ndërsa dy të tjerat janë gjetur në afërsi të të ndjerëve F.Xh. dhe M.Xh. Me urdhër të prokurorit publik, trupat e të ndjerëve janë dërguar për autopsi dhe pas zbardhjes dhe dokumentimit të plotë të rastit do të dorëzohet kallëzim përkatës përkatës”, thuhet në njoftimin e SPB, Tetovë./CNA 

 

 





Lajmet e fundit nga