web counter
LEXO PA REKLAMA!

SHKARKO APP

App Store
Google Play

E fundit!

x

Goditet kontrabanda e bagëtive në Kakavijë/ Shpallet në kërkim doganieri

25 Dhjetor 2023, 09:21, Kronika CNA

Goditet kontrabanda e bagëtive në Kakavijë/ Shpallet në

Një rast kontrabande është goditur nga specialistët për Hetimin e Krimeve Ekonomiko-Financiare në pikën kufitare të Kakavijës.

Shtetasit me iniciale A. T., 49 vjeç, banues në Fier dhe M. H., 48 vjeç, banues në Roskovec, kanë tentuar të kalojnë në doganë disa krerë bagëti të imëta, pa dokumentacionin përkatës, të dyshuara të kontrabanduara.

Dyshohet se ata janë ndihmuar për të kaluar bagëtitë pa kryer procedurat doganore nga 38-vjeçari me iniciale B. M., me detyrë doganier në Kakavijë.

Dy fierakët janë proceduar penalisht, ndërsa doganieri është shpallur në kërkim.

Njoftimi i policisë:

Specialistët për Hetimin e Krimeve Ekonomiko-Financiare referuan materialet në Prokurori ku nisi procedimi në gjendje të lirë për shtetasit A. T., 49 vjeç, banues në Fier dhe M. H., 48 vjeç, banues në Roskovec, pasi gjatë kontrollit në automjetet e tyre, shërbimet e Policisë kanë gjetur disa krerë bagëti të imta, pa dokumentacionin përkatës, të dyshuara të kontrabanduara. 

Në vijim të veprimeve për këtë rast, u shpall në kërkim shtetasi B. M., 38 vjeç, banues në Gjirokastër, me detyrë doganier në pikën doganore Kakavijë, pasi dyshohet se ka ndihmuar këta 2 shtetas, për të kaluar automjetet me bagëti, në PKK Kakavijë, pa kryer procedurat doganore. 

Specialistët për Hetimin e Narkotikëve dhe Trafiqeve të Paligjshme të DVP Gjirokastër referuan materialet në Prokurori ku nisi procedimi në gjendje të lirë për shtetasin N. F., 60 vjeç, banues në Elbasan, pasi gjatë kontrollit fizik iu gjet një sasi e vogël lënde e dyshuar narkotike kokainë, e cila u sekuestrua në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme./ CNA





Lajmet e fundit nga