web counter
LEXO PA REKLAMA!

SHKARKO APP

E fundit!

x

Vranë 57-vjeçarin me eksploziv në makinë/ Identifikohen dhe shpallen në kërkim 2 autorët

10 Maj 2026, 12:22, Kronika CNA

Vranë 57-vjeçarin me eksploziv në makinë/ Identifikohen

Zbardhen detaje të reja nga ngjarja e ndodhur më datë 5 shkurt të këtij viti në vendin e quajtur “Kryqëzimi i Urës së Vrinës”, në Konispol.

Policia njofton se pas provave të grumbulluara dhe informacioneve të siguruara, u bë identifikimi dhe shpallja në kërkim e shtetasve G. T., 39-vjeç dhe Xh. B., 39-vjeç, të dy banues në Sarandë.

Për këta shtetas, Gjykata e Shkallës së Parë e Juridiksionit të Përgjithshëm Sarandë ka caktuar masën e sigurisë “Arrest në burg”, për veprat penale “Vrasja me paramendim”, kryer në bashkëpunim, mbetur në tentativë”, si dhe “Mbajtja pa leje dhe prodhimi i armëve, armëve shpërthyese dhe municionit”.

Nga hetimet dyshohet se këta shtetas kanë vendosur një sasi lënde plasëse në automjetin që drejtohej nga shtetasi Mirash Gjikola, 57-vjeç, me qëllim vrasjen e tij.

Strukturat e Policisë po vijojnë punën intensive për lokalizimin, kapjen dhe vënien e tyre përpara përgjegjësisë ligjore.

Ndërkohë, në bashkëpunim me Prokurorinë, vijon puna për dokumentimin e plotë ligjor, identifikimin dhe kapjen e personave të tjerë të përfshirë në këtë ngjarje./CNA





Lajmet e fundit nga