web counter
LEXO PA REKLAMA!

SHKARKO APP

App Store
Google Play

E fundit!

x

Vodhi 17 mijë euro në banesën e të vëllait/ Arrestohet 38-vjeçari, nën hetim gruaja

4 Janar 2024, 11:24, Kronika CNA
Vodhi 17 mijë euro në banesën e të vëllait/ Arrestohet
Foto ilustruese

Policia në Elbasan ka arrestuar shtetasin E. M., 38 vjeç, banues në fshatin Bathës, si dhe ka nisur hetim në gjendje të lirë për gruan e tij. 

Të dy personat akuzohet se vodhën 17 mijë euro në banesën e vëllait të 38-vjeçarit. 

Policia ka sekuestruar një makinë, e cila dyshohet se është blerë me paratë e vjedhura. 

Njoftimi i Policisë:

Shërbimet e Komisariatit të Policisë Elbasan, në vijim të punës për zbardhjen dhe dokumentimin e vjedhjeve të ndodhura më parë dhe vënien e autorëve përpara përgjegjësise ligjore, pas një hetimi disamujor, me metoda proaktive, në bashkëpunim me Prokurorinë e Elbasanit, kanë organizuar dhe finalizuar operacionin policor të koduar “Bathës”.

Si rezultat i këtij operacioni u kap dhe u vu në pranga shtetasi E. M., 38 vjeç, banues në fshatin Bathës, në zbatim të urdhrit të ndalimit nga Prokurori, për veprën penale “Vjedhja”.

Gjithashtu, u referuan materialet në Prokurori ku nisi procedimi në gjendje të lirë për shtetasen K. M., 37 vjeçe (bashkëshortja e shtetasit E. M.).

Nga veprimet hetimore dyshohet se këta dy shtetas, më 23.04.2023, kanë vjedhur 17 000 euro në banesën e shtetasit M. M., në fshatin Bathës.

Në cilësinë e provës materiale u sekuestrua automjeti i shtetasit E. M., të cilin ky shtetas dyshohet se e ka blerë me paratë e vjedhura.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme./CNA 





Lajmet e fundit nga