web counter
LEXO PA REKLAMA!

SHKARKO APP

App Store
Google Play

E fundit!

x

Vodhën xhirot ditore të 12 subjekteve në Lezhë/ Arrestohet 21-vjeçari, në kërkim bashkëpunëtori i tij

13 Qershor 2026, 15:16, Kronika CNA

Vodhën xhirot ditore të 12 subjekteve në Lezhë/ Arrestohet

Një 21-vjeçar është vënë në pranga, pasi së bashku me një person tjetër, kanë vjedhur xhirot ditore të 12 subjekteve në Lezhë. 

Në pranga është vënë shtetasi M.M., ndërsa është shpallur në kërkim bashkëpunëtori i tij, E.U., 26 vjeç.

Policia po punon për zbardhjen e vjedhjeve të tjera që mund të kenë kryer këta shtetas.

Njoftimi i policisë:

Lezhë/Finalizohet operacioni i koduar “Llogaritë”, për nxjerrjen përpara përgjegjësisë penale, të autorëve të një sërë vjedhjesh në qytet, gjatë muajve të fundit.

Vodhën xhirot ditore të 12 subjekteve, kapet 21-vjeçari dhe punohet për kapjen e bashkëpunëtorit të tij.

Si rezultat i veprimeve hetimore të kryera menjëherë pas kallëzimeve të disa shtetasve, së gjatë muajve maj dhe qershor, 2026, iu kishin vjedhur xhirot ditore në subjektet që administronin në qytetin e Lezhës, shërbimet e Komisariatit të Policisë Lezhë finalizuan operacionin e koduar “Llogaritë”.

Në kuadër të operacionit u vu në pranga shtetasi M. M., 21 vjeç, banues në Lezhë, si dhe u shpall në kërkim shtetasi E. U., 26 vjeç.

Nga hetimet dyshohet se 2 shtetasit kanë bashkëpunuar për të vjedhur xhirot ditore, në 12 subjekte.

Punohet për kapjen e 26-vjeçarit, si dhe për zbardhjen e vjedhjeve të tjera që mund të kenë kryer këta shtetas.

Materialet procedurale iu referuan Prokurorisë së Lezhës, për veprime të mëtejshme. /CNA

 





Lajmet e fundit nga