web counter
LEXO PA REKLAMA!

SHKARKO APP

App Store
Google Play

Shpërthimi në Balldren të Lezhës/ Arrestohet autori, në kërkim bashkëpunëtori

11 Qershor 2026, 13:44, Kronika CNA

Shpërthimi në Balldren të Lezhës/ Arrestohet autori, në

Një nga autorët e shpërthimit të ndodhur ditën e djeshme në fshatin Balldren të Lezhës është vënë në pranga, ndërsa është shpallur në kërkim bashkëpunëtori i tij.

Në pranga është vënë shtetasi A.A., 55 vjeç, ndërsa po punohet për kapjen e shtetasit E.Z., 35 vjeç.

Shpërthimi ndodhi në një sipërfaqe tokë që dyshohet se është në pronësi të fisit Nikulaj. Shkaqet e ngjarjes ende nuk dihen, ndërkohë vijojnë hetimet për sqarimin e plotë të ngjarjes.

Njoftimi i policisë:

Lezhë/Vijojnë hetimet dhe veprimet operacionale, me qëllim nxjerrjen përpara përgjegjësisë penale, të autorëve të ngjarjes së ndodhur dje, në fshatin Balldren i Vjetër.

Vihet në pranga njëri nga autorët e shpërthimit të lëndës plasëse.

Identifikohet dhe shpallet në kërkim bashkëpunëtori i tij.

Në përfundim të veprimeve të para hetimore të kryera nga grupi i posaçëm nën drejtimin e Prokurorisë së Lezhës, për identifikimin dhe kapjen e autorëve të ngjarjes së datës 10.06.2026, në fshatin Balldren i Vjetër, ku në një sipërfaqe toke shpërtheu një sasi e lëndës plasëse (pa shkaktuar dëme), specialistët për Hetimin e Krimit në Komisariatin e Policisë Lezhë bënë arrestimin në flagrancë të shtetasit A. A., 55 vjeç, banues në Tiranë.

Po në vijim të veprimeve u bë e mundur identifikimi dhe shpallja në kërkim e bashkëpunëtorit të tij, shtetasit E. Z., 35 vjeç, banues në Krujë dhe vijon puna për lokalizimin dhe kapjen e tij. 

Ndërkohë, vijon hetimi për të sqaruar dhe dokumentuar motivin e kësaj ngjarjeje.

Materialet procedurale iu referuan Prokurorisë së Lezhës, për veprime të mëtejshme. /CNA





Lajmet e fundit nga