web counter
LEXO PA REKLAMA!

SHKARKO APP

App Store
Google Play

U ekstradua nga Spanja/ Mbërrin në Rinas Lulzim Berisha

18 Mars 2025, 22:51, Kronika CNA

 U ekstradua nga Spanja/ Mbërrin në Rinas Lulzim Berisha
Ka mbërritur në aeroportin e Rinasit Lulzim Berisha, i cili u ekstradua nga Spanja. Berisha ishte në kërkim për vrasjen e Klodian Saliut dhe Vajdin Lames.

Lulzim Berisha ishte shpallur në kërkim nga autoritetet që në vitin 2020. Berisha u arrestua më 14 dhjetor 2023 në Spanjë, ku dhe kundërshtoi ekstradimin e tij drejt Shqipërisë, me arsyetimin se i rrezikohej jeta.

Vendimi për ekstradimin e Berishës është marrë nga autoritetet e drejtësisë spanjolle.

Ish-kreu i bandës së Durrësit po gjykohet në GJKKO për veprën penale të vrasjes të kryer në kuadër të grupit të strukturuar kriminal.

 

Njoftimi i Interpol Tirana

Ekstradohet nga Spanja, një shtetas me rrezikshmëri shoqërore të lartë, i akuzuar për disa ngjarje kriminale kundër jetës.

Operacioni për kapjen e tij në Spanjë, i koduar “Sant Joan”, u finalizua më 14 dhjetor 2023, si rezultat i bashkëpunimit të ngushtë ndërmjet FAST Albanias dhe FAST Spanjës.

Në vijim të këtij bashkëpunimi, Interpol Tirana dhe Interpol Madridi finalizuan procedurën për ekstradimin nga Spanja në Shqipëri, të shtetasit shqiptar, të shpallur në kërkim ndërkombëtar, L. B., 54 vjeç.

Në vitin 2020, atij i është caktuar nga Gjykata e Posaçme e Shkallës së Parë për Korrupsionin dhe Krimin e Organizuar, masa e sigurisë “Arrest në burg”, për veprat penale “Vrasja me paramendim”, “Vrasja në rrethana cilësuese”, kundër 2 ose më shumë personave dhe “Mbajtja pa leje dhe prodhimi i armëve, armëve shpërthyese dhe i municionit”, të kryera në formën e grupit të strukturuar kriminal.

Në bashkëpunim me shtetas të tjerë, 54-vjeçari dyshohet se:
-në vitin 2004, ka plagosur me armë zjarri, shtetasit V. L. dhe Xh. N.;
-në vitin 2005, në afërsi të fshatit Koxhaj, ka vrarë me armë zjarri, shtetasin K. S. dhe ka plagosur shtetasin O. T.;
-në vitin 2005, ka vrarë shtetasit V. L. dhe A. A., me lëndë shpërthyese të vendosur në kabinën e një ashensori./ CNA

 

 





Lajmet e fundit nga