E fundit!

18:57 Opinione Luan Rama

I PËGËRI I MBETUR GJALLË NGA NJË KOHË E VDEKUR

Në këto ditë të zhegëta vere, bashkë me rrjedhën kutërbues...

U ekstradua nga Kosova/ GJKKO konfirmon 'arrestin me burg' për baronin e drogës

9 Mars 2024, 09:41, Kronika CNA

U ekstradua nga Kosova/ GJKKO konfirmon 'arrestin me burg' për

Gëzim Çela

Gjykata e Posaçme ka konfirmuar masën e arrestit me burg për Gëzim Çelën, i cili u ekstradua të enjten nga Kosova.

Mësohet se "baroni i drogës" ka kyçur gojën në seancë dhe nuk ka deklaruar asgjë.

Gëzim Çela, ish oficeri i Forcave Speciale, u arrestua nga policia në Kosovë në muajin dhjetor të vitit të kaluar.

Çela ishte një nga personat më të kërkuar nga autoritetet për përfshirjen e tij në trafikimin e drogës.

Por kush është Gëzim Çela?

Ai njihet ndryshe si “baroni i drogës”. Çela ka qenë në radhët e policisë në para vitit 1997. Emri i tij ka nisur të regjistrohet në skedat e Policisë që kur ishte 22 vjeç dhe u dënua për herë të parë nga Gjykata e Triestes në Itali për shfrytëzim prostitucioni.

Ai është akuzuar dhe dënuar disa herë në mungesë, në Itali dhe në Shqipëri. Autoritetet e kanë vënë në pranga disa herë dhe në të gjitha rastet është liruar. Çela u lirua nga gjykata shqiptare me argumentin se ai vuante nga një sëmundje e rëndë. Më pas, ai u arrestua se kishte falsifikuar kartelën mjekësore dhe u la në “arrest shtëpie”.

Zbulimi i laboratorit të drogës në vilën e Çelës

Prokuroria për Krime të Rënda e riktheu në sytë e publikut në vitin 2014, kur nisi një hetim ndaj tij, pasi kishte dyshime se ish-polici ishte i përfshirë në trafikun ndërkombëtar të drogës.

Ai dhe Valentina Tufa, e cilësuar si “tezja e kokainës”, kishin krijuar kontakte me shtetas të ndryshëm shqiptarë në Shqipëri, Kosovë e SHBA, për të trafikuar lëndë narkotike kokainë, nga vendet e Amerikës Latine, në drejtim të Kosovës, Shqipërisë e më tej, në vendet e Bashkimit Europian.

Në qershor të 2014-ës, autoritetet arrestuan me 7 kilogramë kokainë në pikën kufitare të Morinës Realt Hysollin, drogë kjo e cila trafikohej për llogari të Gëzim Çelës.

Pas kapjes së kokainës, policia kreu disa kontrolle në banesën e ish-oficerit të Forcave Speciale në Fushë-Kuqe të Laçit dhe në apartamentin e tij në Tiranë.

Operacionet nuk rezultuan u finalizuan me arrestimin e tij, por u sekuestruan 207 kilogramë kanabis, mbi 5 kilogramë heroinë, lëndë përzierës për lëndën narkotike, 13 armë luftarake, rreth 143 mijë euro, një pistoletë.

Çela e kishte shndërruar vilën e tij në laborator për përzierjen e drogës. Ai u shpall në kërkim si kreu i këtij rrjeti të trafikut të drogës.

Ish-polici ishte subjekt i Operacionit Forca e Ligjit. Për të ekziston një dënim nga gjykatat italiane me 11 vite burg dhe 150 mijë euro gjobë, për trafik droge.

Tashmë arratia e tij ka marrë fund dhe pritet të nxirret përpara drejtësië./CNA