web counter
LEXO PA REKLAMA!

SHKARKO APP

App Store
Google Play

Masakra te "Zogu i Parë" në 2015-ën/ Mbeten në burg italiani dhe dy vëllezërit

8 Mars 2024, 10:27, Kronika CNA
Masakra te "Zogu i Parë" në 2015-ën/ Mbeten në
Salvatore Letizia

Gjykata e Lartë ka lënë në fuqi dënimin për Salvador Letizian dhe dy vëllezërit, Klejvi Doçi e Markeljan Doçi, autorët e masakrës te bulevardi "Zogu i Parë".

Kujtojmë se Salvatore Letizia është dënuar me burgim të përjetshëm, Markelian Doçi me 27 vite burg, ndërsa Klevi Doçi me 20 vite burg.

Ky vendim është dhënë nga Gjykata e Krimeve të Rënda.

Krimi i rëndë ndodhi më 27 maj 2015. Nga përplasja me armë mbetën të vrarë Mentor Lufi (Doçi), Gerti Goxhaj dhe Besnik Sulku.

Sulku dhe Letizia i ngritën pritë Doçit pranë Fakultetit të Shkencave të Natyrës pasditen e 27 majit. Në momentin që Doçi u ngjit në makinë bashkë me mikun e tij, Gerd Goxhaj në drejtim të tyre u derdhën një breshëri plumbash.

Goxhaj mbeti i vrarë në vend, ndërsa Doçi ndërroi jetë pak minuta më vonë. Dy nipat e tij morën menjëherë hak për vrasjen e xhaxhait.

Markeljan Doçi dhe i vëllai Klejvi ndodheshin në një makinë tjetër, me të cilën lëviznin xhaxhain. Në moment, Markeljan Doçi shkëmbeu zjarr me Besnik Sulkun, derisa e la të vrarë, ndërsa priti policinë t’i vinte prangat.

Salvatore Letizia u largua nga vendi i ngjarjes, por u kap pak orë më vonë në një hotel. / CNA





Lajmet e fundit nga