web counter
LEXO PA REKLAMA!

SHKARKO APP

App Store
Google Play

U ekstradua nga Dubai/ Mbërrin në Rinas, reperi i njohur

9 Tetor 2025, 09:04, Kronika CNA

U ekstradua nga Dubai/ Mbërrin në Rinas, reperi i njohur

Reperi Kleviol Ahmeti, i njohur si Cllevio, është ekstraduar nga Dubai.

39-vjeçari u vu në pranga në Dubai pasi ishte shpallur në kërkim ndërkombëtar.

Cllevio akuzohet për përndjekje dhe thyerje të masës së sigurisë.

Ndaj tij Gjykata e Apelit të Tiranës ka caktuar masën e sigurisë arrest me burg ndërsa gjykata e Fierit e ka dënuar në vitin 2024 me 9 muaj burg.

Ahmeti akuzohet se për disa vite ka përndjekur fizikisht dhe në rrjetet sociale reperin Rigels Rajku dhe familjarët e tij.

 

Njoftimi

Interpol Tirana

Ekstradohet nga Dubai në Shqipëri, një 39-vjeçar i kërkuar nga autoritetet në Tiranë dhe në Fier, për përndjekje dhe për thyerje të masës së sigurisë.

 

Në vijim të bashkëpunimit të Drejtorisë së Interpolit, me zyrën e Interpol Abu Dhabit, me objektiv kapjen dhe ekstradimin e shtetasve në kërkim ndërkombëtar, të cilët synojnë t’i fshihen drejtësisë shqiptare, duke qendruar në Dubai, u lokalizua dhe u kap, në kuadër të operacionit “The Ëanted”, shtetasi K. A., 39 vjeç, i lindur në Lushnjë.

 

Ky shtetas kërkohej ndërkombëtarisht sepse në vitin 2024, Gjykata e Apelit e Juridiksionit të Përgjithshëm Tiranë i ka caktuar masën e sigurisë “Arrest në burg”, për veprën penale “Përndjekja”, pasi akuzohet se për disa vjet, ka përndjekur fizikisht dhe në rrjete sociale, shtetasin R. R. dhe familjarë të tij.

 

Gjithashtu, 39-vjeçari është dënuar nga Gjykata e Fierit, në vitin 2024, me 9 muaj burgim, për veprën penale “Largimi i të burgosurit nga vendi i qëndrimit”.





Lajmet e fundit nga