web counter
LEXO PA REKLAMA!

SHKARKO APP

App Store
Google Play

Nxiste 13-vjeçarin për të kryer vjedhje/ Arrestohet i riu, procedohen tre të mitur

8 Tetor 2025, 09:26, Kronika CNA

Nxiste 13-vjeçarin për të kryer vjedhje/ Arrestohet i riu,

Një 23-vjeçar ka rënë në prangat e policisë së kryeqytetit pasi nxiste një shtetas të mitur për të kryer vjedhje.

Nën hetim janë vendosur 13-vjeçari, i cili vidhte sendet i nxitur nga J.K., dhe dy të mitur të tjerë, të cilët janë blerësit.

Sekuestrohen 4 monopatina, të dyshuara të vjedhura.

Njoftimi i Policisë

 

Tiranë/Finalizohet operacioni policor i koduar “Influenca”.

 

Identifikohet dhe arrestohet një 23-vjeçar që nxiste një 13-vjeçar, për të vjedhur.

 

Vihen në hetim 13-vjeçari, autor i dyshuar i një sërë vjedhjesh në kryeqytet, si dhe 2 shtetas të tjerë që i blinin të miturit, sendet e vjedhura.

 

Sekuestrohen 4 monopatina, të dyshuara të vjedhura.

 

Në vijim të punës hetimore dhe operacionale, me objektiv identifikimin dhe nxjerrjen e autorëve të vjedhjeve, përpara përgjegjësisë penale, shërbimet e Komisariatit të Policisë Nr. 1 finalizuan operacionin “Influenca”, në kuadër të të cilit:

 

-u arrestua shtetasi J. K., 23 vjeç, banues në Tiranë;

-u proceduan në gjendje të lirë dy 13-vjeçarë dhe shtetasi Sh. M., 48 vjeç.

 

Nga hetimet dyshohet se shtetasi J. K. nxiste në mënyrë të vazhdueshme, njërin prej 13-vjeçarëve të proceduar, për të kryer vjedhje, ndërsa i mituri tjetër dhe shtetasi Sh. M. përvetësonin sendet e vjedhura.

 

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme./CNA

 





Lajmet e fundit nga