web counter
LEXO PA REKLAMA!

SHKARKO APP

App Store
Google Play

E fundit!

x

Iu gjetën shuma të konsiderueshme monetare të padeklaruara/ Procedohet 51-vjeçari në Kakavijë

8 Tetor 2025, 12:18, Kronika CNA

Iu gjetën shuma të konsiderueshme monetare të padeklaruara/

Një 51-vjeçar është proceduar penalisht në doganën e Kakavijës pas tentoi të nxirrte nga Shqipëria një shumë të konsiderueshme monetare.

Gjatë kontrollit në çantën e F. S. 51 vjeç, policia gjeti të padeklaruara sipas ligjit 20 530 euro dhe 1 800 000 lekë.

Ndaj tij filloi procedimi penal për veprën “Mosdeklarimi në kufi i të hollave dhe i sendeve me vlerë”.

 

Njoftimi i policisë

 

PKK Kakavijë

Tentoi të nxirrte nga Shqipëria, 20 530 euro dhe 1 800 000 lekë, pa i deklaruar, procedohet penalisht 51-vjeçari.

Sekuestrohet shuma e parave.

Në vijim të punës së shërbimeve të Policisë Kufitare, me qëllim parandalimin dhe goditjen e krimeve në kufi, në dalje të Shqipërisë, u krye kontroll në çantën e shtetasit F. S., ku u gjetën 20 530 euro dhe 1 800 000 lekë, të cilat ky shtetas nuk i kishte deklaruar konform ligjit.

Në vijim të veprimeve procedurale për rastin, specialistët për Hetimin e Krimeve të DVKM Gjirokastër referuan materialet në Prokurori, ku nisi procedimi në gjendje të lirë, për veprën penale “Mosdeklarimi në kufi i të hollave dhe i sendeve me vlerë”, për shtetasin F. S., 51 vjeç, banues në Greqi. Gjithashtu, u sekuestrua në cilësinë e provës materiale, shuma e parave. 

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.





Lajmet e fundit nga