web counter
LEXO PA REKLAMA!

SHKARKO APP

App Store
Google Play

E fundit!

x

“Tronditet” nga sukseset Policia e Korçës/ “Dhëmbë më dhëmbë” me kontrabandën, me kova brumi

11 Nëntor 2022, 13:22, Kronika CNA

“Tronditet” nga sukseset Policia e

Policia e Korçës ka shënuar një sukses të jashtëzakonshëm. Ka kapur jo pak, por tre serbatorë me naftë dhe një kovë brumi.

Me këtë të fundit duket se do të"gatuajë” suksesin e madh që ka kapur naftë kontrabandë, tre serbatorë, duke e “zhdukur” këtë krim njëherë e përgjithmonë.

Për këtë sukses nuk kishte si mos t’i njoftonte mediat, madje është e çuditshme modestia e drejtuesve të Policisë së Korçës, që nuk kanë dalë në ndonjë konferencë për të marrë meritat.

Ose ndoshta presin t’ua diktojnë meritat nga Tirana dhe s’kanë faj se kanë bërë një punë “kolosale”, duke luftuar kontrabandën.

Vetëm bojë printeri sa kanë harxhuar duke bërë komunikata, pa harruar këtu se janë lodhur duke shkruar gjithë atë sukses, të cilin po e sjellim më poshtë.

“Operacioni u zhvillua nga specialistët për Hetimin e Krimeve Ekonomiko-Financiare të DVP Korçë, nën drejtimin e Prokurorisë së rrethit, për goditjen e veprimtarive të paligjshme të kontrabandës së mallrave, tregtimit të tyre, fshehjes së të ardhurave dhe prodhimit të kundërligjshëm të artikujve ushqimorë.

Si rezultat u bë  Arrestimi në flagrancë i shtetasit Dh. F., 54 vjeç, banues në Korçë, për veprat penale 'Kontrabanda me mallra për të cilat paguhet akcizë' dhe 'Tregtimi dhe transportimi i mallrave që janë kontrabandë', si dhe u referuan materialet në Prokurori dhe filloi procedimi penal në gjendje të lirë për shtetasen E. Ç., 48 vjeçe, banuese në Korçë, për veprat penale 'Fshehja e të ardhurave' dhe 'Prodhimi i kundërligjshëm i artikujve dhe mallrave industrialë dhe ushqimorë'.

Nga tërësia e veprimeve hetimore ka rezultuar se shtetasi Dh. F. kontrabandonte sasi të konsiderueshme nafte nga Maqedonia, nëpërmjet Pikës së Kalimit Kufitar Goricë, me një automjet tip 'Benz', të cilit i kishte modifikuar dhe zmadhuar serbatorin. Sasinë e naftës të kontrabanduar, 54-vjeçari e transportonte në banesën e motrës së tij, shtetases E. Ç., dhe më pas e shiste te persona të tjerë. Gjatë periudhës hetimore, në banesën e kësaj shtetaseje është gjetur një sasi prej 300 litrash naftë, e dyshuar e kontrabanduar.

Gjithashtu, gjatë kontrollit të ushtruar në banesën e shtetases E. Ç., u gjetën pajisje për prodhimin dhe përpunimin e brumit”, njofton Policia./CNA.al





Lajmet e fundit nga