web counter
LEXO PA REKLAMA!

SHKARKO APP

App Store
Google Play

Tatimi i profesionistëve të lirë, Kushtetuesja u jep tre ditë afat paditësve

18 Qershor 2024, 20:38, Kronika CNA
Tatimi i profesionistëve të lirë, Kushtetuesja u jep tre
Gjykata Kushtetuese

Gjykata Kushtetuese rrëzoni të martën kërkesën për pezullimin e ligjit “Për tatimin mbi të ardhurat” që nisi zbatimin me profesionet e lira, ku janë përfshirë rreth 29 mijë subjekte që do të duhet të parapaguajnë këstet e tatim-fitimit me normë 15-23% duke filluar nga muaj qershor.

Pas një seance maratonë me dëgjimin e përfaqësuesve të palëve ankimuese dhe të institucioneve qeveritare, Gjykata Kushtetuese vendosi rrëzimin e kërkesës për pezullimin e ligjit.

Ndërkohë kryetarja e Gjykatës Kushtetuese tha se do të vijojë procesi gjyqësor me shqyrtimin e provave dhe përgjigjet e pyetjeve të administruara. Gjykata la afat deri në 21 qershor për dërgimin e materialeve dhe provave të mëtejshme, ndërsa do të japë konkluzionet përfundimtare në 25 qershor për shfuqizimin e pjesshëm të ligjit si anti-kushtetues, ndërsa më herët hodhi poshtë kërkesën e opozitës për pezullimin e përkohshëm të tij.

Kjo seancë pritet të vendosë përfundimisht nëse ligji do të shfuqizohet apo jo. Juristët sqaruan se ky vendimi nuk vlerësohet negativ, sepse koha e dhënies së vendimit për shfuqizimin e ligjit ose jo është shumë e afërt, pra data 25 Qershor.

Për rrjedhojë, duke qenë se ka mbetur shumë pak kohe nga vendimi përfundimtar gjykata nuk vendosi pezullimin e ligjit. Ligji u kundërshtua fillimisht nga 38 deputetë të opozitës si anti-kushtetues, ndërsa më pas nga Kontabilistët dhe Audituesit si dhe nga Dhoma e Avokatisë së Shqipërisë./CNA





Lajmet e fundit nga