web counter
LEXO PA REKLAMA!

SHKARKO APP

App Store
Google Play

E fundit!

x

Goditet kontrabanda në kufi/ Kapet 63-vjeçari dhe 2 doganierë

16 Qershor 2024, 17:12, Kronika CNA
Goditet kontrabanda në kufi/ Kapet 63-vjeçari dhe 2 doganierë
Foto e marrë nga pamjet e policisë

Policia ka goditur një rast i kontrabandimit në Shqipëri të produkteve të konsumit, me qëllim shitjen.

Blutë kanë vënë në pranga një 63-vjeçar dhe 2 punonjës të Degës Doganore Qafë Botë, ndërsa është marrë nën hetim një tjetër punonjës.

Konkretisht u arrestuan 63-vjeçari N. G., për veprën penale “Kontrabanda me mallra të tjera”, 54-vjeçarja A. A., me detyrë doganiere në Degën Doganore Qafë Botë dhe 49-vjeçari A. V., me detyrë përgjegjës turni në Degën Doganore Qafë Botë.

Gjithashtu u shpall në kërkim 52-vjeçari A. M., administrator biznesi, për veprën penale “Tregtimi dhe transportimi i mallrave që janë kontrabandë”.

Nga ana tjëtër, në gjendje të lirë u procedua 43-vjeçari E. A., me detyrë agjent në Degën Doganore Qafë Botë.

Gjatë operacionit, shtetasi N. G. u kap në PKK Qafë Botë, duke futur në Shqipëri, me mjete të rënda (kamionë dhe trajlera), sasi të mëdha produktesh për konsum, të dyshuara të kontrabanduara. Këto mallra dyshohet se transportoheshin për llogari të biznesit të 52-vjeçarit A. M.

Punonjësit e doganës akuzohen për shpërdorim detyre, pasi dyshohen se kanë lejuar kryerjen e këtij aktiviteti kriminal.

Ndërkaq, materialet procedurale i kaluan Prokurorisë së Sarandës për veprime të mëtejshme./ CNA





Lajmet e fundit nga