web counter
LEXO PA REKLAMA!

SHKARKO APP

App Store
Google Play

Situata nga dëbora në vend/ Policia, apel përdoruesve të rrugës

3 Dhjetor 2025, 14:38, Kronika CNA

Situata nga dëbora në vend/ Policia, apel përdoruesve të

Policia u ka bërë apel qytetarëve për kujdes në përdorimin e rrugës, kryesisht në zonat malore.

Në njoftimin e bërë, polica thotë se është rritur prezenca e efektivëve në rrugë me qëllim parandalimin e aksidenteve rrugore.

 

Njoftimi i policisë

 

Apel për më shumë kujdes nga përdoruesit e rrugës, kryesisht në zonat malore, për shkak të reshjeve të dëborës.

Policia Rrugore ka rritur prezencën e saj në të gjitha akset rrugore, me qëllim parandalimin e aksidenteve rrugore, lehtësimin e lëvizjes së automjeteve në akset ku ka ngarkesë dhe për të ndihmuar përdoruesit të rrugës, në raste nevoje.

 Policia Rrugore apelon për drejtuesit e mjeteve që të bëjnë kujdes gjatë lëvizjes, pasi ka prezencë të lagështirës dhe në disa akse rrugore malore, prezencë të dëborës.

Drejtuesit e automjeteve dhe motomjeteve të respektojnë sinjalistikën rrugore, të përdorin zinxhirë dhe goma dimërore në akset ku është e nevojshme dhe të ndjekin udhëzimet e punonjësve të Policisë Rrugore në shërbim.

Të moderojnë shpejtësinë, të mbajnë distancën e duhur me mjetet e tjera, të mos kryejnë parakalime të gabuara, të vendosin rripin e sigurimit dhe kaskën mbrojtëse, dhe të mos përdorin celularin gjatë drejtimit të automjeteve dhe motomjeteve./CNA





Lajmet e fundit nga