web counter
LEXO PA REKLAMA!

SHKARKO APP

App Store
Google Play

Shpërthimi me tritol në një zyrë noteriale/ Kapen 3 persona, krimi me pagesë

5 Shkurt 2024, 11:09, Kronika CNA

Shpërthimi me tritol në një zyrë noteriale/ Kapen 3 persona,

Policia e Shtetit ka zbardhur shpërthimin me tritol në një zyrë noteriale në Tiranë, ngjarje e cila ka ndodhur më 30 janar të këtij viti.

Drejtori i Drejtorisë Vendore të Policisë së Tiranës, Tonin Vocaj, bëri të ditur se janë arrestuar 3 persona dhe janë shpallur në kërkim 2 të tjerë.

Të rinjtë vendosën lëndë plasëse dhe u larguan me një motor, të cilin e kanë hedhur në liqenin e Farkës.

Këta persona kanë vendosur edhe më parë lëndë eksplozive në një biznes.

Dyshohet se ata janë paguar për vendosjen e tritolit.

"Më datë 04.02.2024, nga strukturat hetimore të Komisariatit të Policisë Nr. 2, u finalizua operacioni policor i koduar “POROSIA”, në kuadër të të cilit u dokumentua me prova ligjore ngjarja e ndodhur më datë 30.01.2024, në një zyrë noteriale në rrugën “Perlat rexhepi”, ku ka shpërthyer lëndë plasëse.

Në kuadër të këtij operacioni, u ndaluan shtetasit:

1. R. Z., 33 vjeç, banues në Shkodër;
2. K. K., 33 vjeç, banues në Durrës;
3. E. F., 36 vjeç, banues në Korçë.

Gjithashtu u shpallën ne kërkim 2 shtetas.

Shtetasit e mësipërm, në bashkëpunim me njëri-tjetrin, më datë 30.01.2024, kanë vendosur sasi lënde plasëse në një zyrë noteriale dhe pas ngjarjes, autorët kanë lëvizur me motomjetin e shtetasit E. F. Më pas, motomjetin e kanë braktisur në liqenin e Farkës dhe pas kësaj janë larguar me automjetin tip “Audi”, të shtetasit K. K.

Nga veprimet hetimore të kryera ka rezultuar se këta shtetas janë autorë të dyshuar të ngjarjes së ndodhur më datë 05.10.2023, në rrugën “Prokop Mima”, ku në lokalin e shtetases Sh. Gj., është vendosur një sasi lënde eksplozive.

Nga veprimet hetimore të deritanishme ka rezultuar se këta shtetas e kanë vendosur lëndën eksplozive, kundrejt pagesës. Vazhdon puna hetimore dhe gjurmuese për zbulimin dhe dokumentimin e veprimtarisë kriminale të porositësve.

Strukturat hetimore të Drejtorisë Vendore të Policisë Tiranë, në bashkëpunim të ngushtë me Prokurorinë e Juridiksionit të Përgjithshëm Tiranë, vijojnë punën intensive për zbardhjen dhe dokumentimin me prova ligjore të ngjarjeve kriminale të ndodhura më parë", theksoi Vocaj./ CNA





Lajmet e fundit nga