web counter
LEXO PA REKLAMA!

SHKARKO APP

App Store
Google Play

Shkatërrimi i laboratorit të drogës në Nikël/ Shkon në 20 numri i të arrestuarve

31 Maj 2022, 16:07, Kronika CNA
Shkatërrimi i laboratorit të drogës në Nikël/ Shkon
Laboratori i drogës në Nikël

Policia ka vënë në pranga një tjetër person, në saj të operacionit të koduar “Agimi”, duke bërë që të shkojë në 20 numri i të arrestuarve dhe ndaluarve për kultivim droge në zonën e Niklës, në fshatrat Halil dhe Arramerras të rrethit Krujë.

Gjatë operacionit, në maj 2021, u arrestuan në flagrancë 16 shtetas, u shpallën në kërkim 24 shtetas dhe u proceduan në gjendje të lirë 3 të tjerë. Prej majit të vitit 2021 janë kapur 3 persona të shpallur në kërkim në kuadër të këtij operacioni.

Ndërsa ditën e sotme është bërë ekzekutimi i masës së sigurisë për një tjetër person të shpallur në kërkim, konkretisht për shtetasin me iniciale M. K., 62 vjeç, banues në Fushë Krujë.

Ndaj tij, Gjykata e Shkallës së Parë Krujë, me vendimin e datës 22.06.2021 ka caktuar masën "Arrest në burg", për veprat penale "Kultivimi i bimëve narkotike" dhe "Vjedhja e energjisë elektrike".

Operacioni nisi në maj 2021, bazuar në të dhënat e mbledhura nga monitorimet me drone, të kryera nga Policia e Shtetit dhe  ato nga ajri, të kryera me avion nga GDF, si dhe mbi bazën e informacioneve policore të marra më parë.

Gjatë operacionit, shërbimet e Policisë kanë kontrolluar sera, magazina, banesa e zona të pyllëzuara. Si rezultat u sekuestrua një laborator që shërbente për kultivimin e bimëve narkotike me anë të ngrohjes me llampa, kubikë dhe fidanë canabis, 5 automjete dhe prova të tjera materiale.

Ndërkaq, vijon puna për kapjen e personave të tjerë të shpallur në kërkim në kuadër të këtij operacioni./ B.A. - CNA.al





Lajmet e fundit nga