web counter
LEXO PA REKLAMA!

SHKARKO APP

App Store
Google Play

E fundit!

x

‘Superoperacioni’ i policisë/ Kapen tre ‘zhurmuesit’ që bënin 'namin' me muzikën e lartë

30 Maj 2022, 16:06, Kronika CNA
‘Superoperacioni’ i policisë/ Kapen tre
Foto ilustruese

Teksa vendi gulon nga ngjarjet kriminale, policia shet si operacione të rëndësishme dhe bën propagandë me ndëshkimin e tre të rinjve që kanë ngritur muzikën.

Blutë raportojnë se kanë ndaluar 21-vjeçarin me iniciale D.R., 34-vjeçarin me iniciale A.M. dhe 27-vjeçarin me iniciale E.Ll.

Sipas tyre, këta persona kanë prishur qetësinë publike me muzikë të lartë në lokale, ndërsa kanë refuzuar t’i binden urdhrit të policisë pë uljen e volumit.

Kjo sjellje duket se ka irrituar shumë efektivët, të cilët kan marrë menjëherë masa për 'zhurmuesit'.

“D. R., 21 vjeç për veprën penale “Prishja e rendit qetësisë publike” dhe A. M., 34 vjeç, për veprën penale “Mosbinjda ndaj urdhërit të punonjësit të Policisë së rendit publik”. Shtetasi D. R. ka prishur rendin dhe qetësinë publike duke lejuar muzikë me volum të lartë në lokalin e tij, ndërsa shtetasi A. M. nuk i është bindur urdhrave të punonjësve të Policisë, për uljen e volumit të muzikës;

E. Ll., 27 vjeç, banues në Tiranë, për veprën penale “Prishja e rendit qetësisë publike”, pasi ka prishur rendin dhe qetësinë publike, duke vendosur muzikë me volum të lartë në lokalin e tij”, thuhet në njoftime.

Por krahas kësaj, teksa qytetarët shqetësohen nga ngjarje shumë më të rënda, siç janë trafikimi, vrasjet, plagosjet, krimi i organizuar apo edhe korrupsioni, policia çdo ditë bën propagandë me arrestime dhe ndëshkime njerëzish të thjeshtë./ CNA.al





Lajmet e fundit nga