E fundit!

13:27 Ekonomi

Turizmi përshpejtohet në maj, hyrjet e të huajve rriten me rreth 16%

Turizmi shënoi një përshpejtim të rritjes gjatë muajit maj...

Sherri në Ksamil/ Vihen në pranga 3 shtetas, një i mitur nën hetim

20 Korrik 2025, 09:03, Kronika CNA

Sherri në Ksamil/ Vihen në pranga 3 shtetas, një i mitur nën

Policia ka arrestuar 3 persona pas konfliktit të ditës së djeshme në Ksamil, që përfundoi në konfrontim fizik.

Konflitki u zhvillua mes pronarëve të hoteleve ku u dhunua njëri prej tyre. Janë proceduar penalisht një 17-vjeçar dhe bashkëshortja e njërit prej personave të përfshirë në konflikt.

Njoftimi i Policisë Sarandë:

Dhunuan me sende të forta, gjatë një konflikti për motive të dobëta, një 46-vjeçar, vihen në pranga 3 shtetas dhe procedohet në gjendje të lirë, për shkak të moshës, një 17-vjeçar.

Procedohet penalisht edhe bashkëshortja e 46-vjeçarit të dëmtuar, pasi shkaktoi dëme materiale në “beach bar”-in e njërit prej të arrestuarve.

Në vijim të zbardhjes së plotë të rrethanave të konfliktit të ndodhur ditën e djeshme, në Ksamil, dhe dokumentimit të plotë të ngjarjes, me qëllim vënien përpara përgjegjësisë penale të autorëve, specialistët për Hetimin e Krimeve në Komisariatin e Policisë Sarandë arrestuan në flagrancë, për veprën penale “Plagosje e lehtë me dashje”, kryer në bashkëpunim, shtetasit:

A. T., 43 vjeç, banues në Berat, S. S., 18 vjeç, banues në Dibër dhe A. Z., 35 vjeç, banues në Durrës.

Gjithashtu, u procedua penalisht në gjendje të lirë, për shkak të moshës, një shtetas i mitur, 17 vjeç, banues në Kamëz, Tiranë.

Nga hetimet rezultoi se këta shtetas, në bashkëpunim me njëri-tjetrin, për motive të dobëta, kanë goditur me sende të forta, pranë një plazhi publik në Ksamil, shtetasin A. P., 46 vjeç, banues në Tiranë, duke i shkaktuar dëmtime trupore.

Gjithashtu, lidhur me këtë ngjarje, u referuan materialet në Prokurori për veprën penale “Shkatërrimi i pronës” dhe nisi procedimi penal për shtetasen O. P., 40 vjeçe, pasi pas konfliktit kjo shtetase ka dëmtuar ambientin duke shkatërruar pajisje dhe sende të tjera në “beach bar”-in e shtetasit të arrestuar A. T./CNA