web counter
LEXO PA REKLAMA!

SHKARKO APP

App Store
Google Play

Punishte për prodhimin e silenciatorëve dhe armë pa leje/ Pranga 30-vjeçarit

19 Korrik 2025, 12:12, Kronika CNA

 Punishte për prodhimin e silenciatorëve dhe armë pa leje/ Pranga

Policia e Tiranës ka vënë në pranga një 30-vjeçar që lëvizte me armë zjarri me silenciator.

Gjithashtu efektivët kanë zbuluar dhe një punishte në të cilën dyshohet se i riu prodhonte silenciatorë për armë të ndryshme dhe më pas i shiste.

Në kuadër të këtij operacioni u sekuestruan një armë zjarri me silenciator, një pushkë, municion luftarak dhe doza kokaine.

Njoftimi i policisë

Drejtoria Vendore e Policisë Tiranë

Finalizohet operacioni policor i koduar “Punishtja”.

Lëvizte me armë zjarri me silenciator gati për qitje, kapet në Kombinat dhe vihet në pranga 30-vjeçari.

Zbulohet një punishte në të cilën 30-vjeçari prodhonte silenciator për armë të ndryshme dhe më pas dyshohet se ua shiste personave të ndryshëm  për kryerje të krimeve kundër personit dhe pronës.

Sekuestrohen arma e zjarrit me silenciator, një armë zjarri pushkë, municion luftarak, doza kokaine dhe sende të tjera të kundraligjshme.

Si rezultat i administrimit të shpejtë të informacioneve të siguruara në rrugë operative, rreth veprimtarive kriminale të një shtetasi, shërbimet e Komisariatit të Policisë Nr. 6, organizuan dhe finalizuan operacionin policor të koduar “Punishtja”, si rezultat i të cilit u kap dhe u vu në pranga shtetasi H. N., 30 vjeç, banues në Kombinat.

30-vjeçari u kap në flagrancë duke lëvizur në qendër të Kombinatit me armë zjarri me silenciator, gati për qitje.

Gjithashtu, gjatë kontrollit fizik dhe të banesës, shërbimet e Policisë gjetën e sekuestruan armën e zjarrit me silenciator, një armë zjarri pushkë, municion luftarak, doza kokaine dhe sende të tjera të kundraligjshme.

Në vijim të veprimeve, në afërsi të banesës së të arrestuarit, u zbulua një punishte që dyshohet se përdorej nga 30-vjeçari për prodhimin e silenciatorëve për armë të ndryshme dhe më pas dyshohet se ua shiste personave të ndryshëm për kryerje të krimeve kundër personit dhe pronës.

Materialet procedurale iu referuan Prokurorisë, për veprime të mëtejshme./ CNA

 

 





Lajmet e fundit nga