E fundit!

22:14 Politikë

“Të kufizohet pushteti absolut i Ramës”/ Ish-ministri jep idenë: Jo më shumicë e cilësuar, 10-12 deputetë t’i dalin kundër

Ish-ministri Arben Malaj tha sot se kufizimi i pushtetit a...

Sekuestrohen drogë, euro dhe armë/ Policia, pranga dy të rinjve në Tiranë

24 Janar 2025, 15:46, Kronika CNA

Sekuestrohen drogë, euro dhe armë/ Policia, pranga dy të rinjve

Shërbimet e Forcës së Posaçme “Shqiponja”, në bashkëpunim me specialistët e Seksionit për Hetimin e Narkotikëve të DVP Tiranë, kanë arrestuar në flagrancë një 21-vjeçar në Tiranë. I riu me inicialet S.M., u arrestua në rrugën “Fran Bardhi”, teksa iu sekuestruan 37 gramë kokainë, 10.200 euro si dhe 180.000 lekë.

Ndërkohë, Shërbimet e Komisariatit të Policisë nunër pesë arrestuan në flagrancë shtetasin 21-vjeçar me inicialet K.H. ndërsa në hetim në gjendje të lirë janë dy shtetas të tjerë, F.K. 24 vjeç dhe F.H. 38 vjeç.

Njoftimi i Policisë:

Drejtoria Vendore e Policisë Tiranë
Konstatohen dhe goditën 2 raste të tjera të shitjes së lëndëve narkotike.
Sekuestrohen 37 gramë Kokainë, 10 200 euro dhe 180 000 lekë, të dyshuara të përfituara nga shitja e kësaj lënde, si dhe sasi Cannabisi dhe 6 armë të ftohta.
Vihen në pranga 2 shtetas dhe në hetim 2 të tjerë.
Si rezultat i kontrolleve dhe punës së inteligjencës policore:
shërbimet e Forcës së Posaçme “Shqiponja”, në bashkëpunim se specialistët e Seksionit për Hetimin e Narkotikëve të DVP Tiranë, arrestuan në flagrancë, në rrugën “Fran Bardhi”, shtetasin S. M., 21 vjeç, sepse nga kontrolli fizik iu gjetën 37 gramë Kokainë, si dhe 10 200 euro dhe 180 000 lekë, të dyshuara të përfituara nga shitja e Kokainës. Vijojnë hetimet e thelluara për të dokumentuar ligjërisht burimin e këtyre parave;
shërbimet e Komisariatit të Policisë Nr. 5, në bashkëpunim se specialistët e Seksionit për Hetimin e Narkotikëve të DVP Tiranë, arrestuan në flagrancë shtetasin K. H., 21 vjeç, si dhe referuan materialet në Prokurori, ku nisi procedimi në gjendje të lirë për shtetasit F. K., 24 vjeç, dhe F. H., 38 vjeç, sepse nga kontrolli në automjetin e parkuar, ku po qëndronin 3 shtetasit, u gjet një sasi Cannabisi që posedohej me qëllim shitjen. Më tej, nga kontrollet, në banesën e të arrestuarit u gjetën 4 mjete prerëse (thika) dhe 1 përforcues grushti, ndërsa në banesën e 38-vjeçarit u gjet 1 shkop bejsbolli.
Materialet procedurale i kaluan Prokurorisë së Tiranës, për veprime të mëtejshme. /CNA