E fundit!

20:50 Politikë

Nga rregullat e verifikimeve kufitare, te IQMT dhe Dhërmiu/ Vendimet e reja të qeverisë

Këshilli i Ministrave zhvilloi këtë të premte mbledhjen e ...

Plani për vrasjen e Indrit Dokles/ SPAK-u kërkon konfiskimin e apartamenteve, 9 makinave, pyllit të Elvin Merlikës

23 Janar 2025, 10:17, Kronika CNA

Plani për vrasjen e Indrit Dokles/ SPAK-u kërkon konfiskimin e

SPAK-u ka dorëzuar një kërkesë në Gjykatën e Posaçme të Shkallës së Parë, ku ka kërkuar konfiskimin e pasurive të sekuestruara të një grupi të strukturuar kriminal.

Hetimin pasuror nisi ndaj shtetasit Elvin Merlika, i dyshuar për veprën penale të sigurimit të kushteve dhe i mjeteve materiale për të kryer vrasje ndaj shtetasit Indrit Dokle, kryer në bashkëpunimin e posaçëm të grupit të strukturuar kriminal.

Mësohet se janë identifikuar dhe sekuestruar pasuritë e luajtshme dhe të paluajtshme të personave nën hetim pasuror dhe personave të lidhur me ta.

Ndër këto pasuri përfshihen aksione në shoqëri tregtare, apartamente, ara, garazhe, toka pyjore dhe apartamente.
Në përfundim të hetimit pasuror, SPAK-u ka dalë në përfundimin se pasuritë e sekuestruara janë të pajustifikuara nga burime të ligjshme dhe për pasojë prezumohet se janë rezultat i veprimtarisë kriminale të personave të hetuar dhe të personave të lidhur me ta.

Njoftimi i SPAK-ut:

SPAK kërkon konfiskimin për pasuritë e sekuestruara të anëtarit të një grupi të strukturuar kriminal

Prokuroria e Posaçme kundër Korrupsionit dhe Krimit të Organizuar ka dorëzuar në Gjykatën e Posaçme të Shkallës së Parë, më 21.01.2025 kërkesën për konfiskimin e pasurive të sekuestruara në kuadër të procedimit pasuror nr.2 të vitit 2022.

Prokuroria e Posaçme regjistroi procedimin e mësipërm, për hetimin pasuror të shtetasit Elvin Merlika, i dyshuar për veprën penale të: “Sigurimi i kushteve dhe i mjeteve materiale për të kryer vrasje”, në dëm të shtetasit Indrit Dokle, kryer në bashkëpunimin e posaçëm të grupit të strukturuar kriminal, “Grupi i strukturuar kriminal”, “Kryerja e veprave penale nga grupi i strukturuar kriminal dhe organizata kriminale”, parashikuar nga nenet 80, 28/4, 333/a/1, 334 të Kodit Penal si dhe personave të lidhur me të.

Mbi bazën e dispozitave të ligjit nr. 10192 datë 03.12.2009, “Për Parandalimin dhe Goditjen e Krimit të Organizuar, Trafikimit, Korrupsionit dhe Krimeve të tjera nëpërmjet Masave Parandaluese kundër Pasurisë”, ndryshuar me ligjin nr.70/2017, janë identifikuar dhe sekuestruar pasuritë e luajtshme dhe të paluajtshme të personave nën hetim pasuror dhe personave të lidhur me ta.

Në përfundim të hetimit pasuror rezulton se pasuritë e sekuestruara janë të pajustifikuara nga burime të ligjshme dhe për pasojë prezumohet se janë rezultat i veprimtarisë kriminale të personave të hetuar dhe të personave të lidhur me ta.

Pasuritë e sekuestruara për të cilat kërkohet konfiskimi janë:

100% të kuotave të shoqërisë “Zeus Garden” sh.p.k.

49% të kuotave të shoqërisë “M.S.G Security” sh.p.k.

100% të kuotave të shoqërisë “London Eye” sh.p.k.

Pasuri e paluajtshme e llojit arë, me sipërfaqe 3250 m2, me adresë Fushë-Kuqe Kurbin.

Pasuri e paluajtshme e llojit apartament 14/5, kati i 6, me sipërfaqe 108 m2, në zonën e Kasharit.

Pasuri e paluajtshme e llojit truall me sip. 6026 m2, ZK.3051, me adresë Priskë Tiranë.

Pasuri e paluajtshme e llojit apartament, me sip. 105 m2, me adresë Yzberisht.

Pasuri e paluajtshme e llojit arë më numër, me sipërfaqe 3250 m2, me adresë Fushë-Kuqe Kurbin.

Pasuri e paluajtshme e llojit apartament më numër, me sipërfaqe 38.85 m2, me adresë Yzberisht Tiranë.

Pasuri e paluajtshme e llojit apartament, me sip. 81.24 m2, në posedim nga shoqëria “………..” sh.p.k.

Pasuri e paluajtshme e llojit garazh, me sip. 50.82 m2, në posedim nga shoqëria “………..”,.