E fundit!

14:19 Aktualitet

Qeveria plan për rivlerësimin e profesioneve të rregulluara, në fokus 323 kategori

Shqipëria do të nisë një proces të gjerë për rishikimin e ...

Rrëfehet mes lotësh kunata e Alma Arrazit: Çfarë më tha në takimin e fundit

14 Maj 2024, 13:42, Aktualitet CNA

Rrëfehet mes lotësh kunata e Alma Arrazit: Çfarë më

Momenti kur Alma Arrazi ndahet nga e kunata

Në Prokurorinë e Shkodrës është thirrur për të dëshmuar Valentina Arrazi, kunata e Alma Arrazit. Kjo e fundit është nëna e 3 fëmijëve, që kreu aktin e rëndë pak ditë më parë në ujërat e lumit Buna.

Valentina Arrazi mes lotësh e një dëshpërim të madh rrëfeu para hetuesve, takimin e fundit me kunatën. Sipas saj, ditën e që u zhduk Alma, u takua me të rreth orës 17:30 së bashku e fëmijët dhe pinë një kafe.

Ajo ka treguar se e kunata i ka thënë që kishte parë të shoqin që kishte kishte kaluar me makinë së bashku me të dashurën e tij.

Më pas, sipas saj Alma i kishte thënë se do të shkonte në Durrës tek familja dhe do ta merrte me makinë i vëllai.

“Dolëm për të pirë një kafe së bashku me Almën dhe fëmijët tanë te një lokal në pedonalen e molos në hyrje të qytetit të Shkodrës. Unë e kam dashur shumë Almën edhe ajo mua e po ashtu edhe fëmijët kanë shkuar shumë mirë ndaj edhe dolëm si zakonisht me njëra-tjetrën. Rrugës përpara se të mbërrinim unë u ndala në një market për të blerë diçka dhe Alma më priti jashtë. Kur dola Alma më tregoi se Erdgysi, kishte kaluar me makinë së bashku me të dashurën e tij dhe se i kishte parë. Unë nuk e kam parë Erdgysin sepse isha në market, por Alma më tha se kishte kaluar. Kemi vijuar rrugën dhe u ulëm në kafe. Fëmijët po luanin dhe me Almën biseduam pak për marrëdhënien e saj me Erdgysin. Më pas vijuam edhe me biseda të tjera dhe rreth orës 20:10 ikëm nga aty. Alma më tha më përpara se do të vinte ta merrte i vëllai me taksi dhe se do shkonte tek familja e saj në Durrës derisa të sqaroheshin me bashkëshortin e saj. Më tregoi se Erdgysi ishte në dijeni se do ikte dhe u ndamë", u shpreh ajo.

Valentina Arrazi tregon se kunata e saj ishte larguar edhe para afro një muaji te familja e saj për shkak të debateve me Erdgysin, burrin e saj./CNA