web counter
LEXO PA REKLAMA!

SHKARKO APP

App Store
Google Play

Prokuroria dërgon në gjyq dy vëllezër për vrasjen e biznesmenit

24 Nëntor 2025, 10:21, Kronika CNA

Prokuroria dërgon në gjyq dy vëllezër për vrasjen e

Prokuroria pranë Gjykatës së Shkallës së Parë Tiranë përfundoi hetimet dhe dërgoi në gjyq dy vëllezërit F.D. dhe Sh.D., të akuzuar për vrasje me paramendim në bashkëpunim, mbajtje pa leje dhe prodhim të armëve të zjarrit dhe të ftohta.

Sipas aktakuzës, Sh.D., në bashkëpunim me vëllanë e tij F.D., ka vrarë biznesmenin E.R. për motive pasurore. Viktima, i cili kishte ndërtuar dhe jepte me qira disa objekte banimi dhe tregtare në Tiranë, kishte mosmarrëveshje pronësie me të pandehurit, të cilët kishin ndërtuar pjesërisht në tokën e tij.

Hetimet zbuluan se vrasja ishte planifikuar me kujdes, vëllezërit kishin siguruar armë dhe dylbi, kishin studiuar vendin dhe kohën për të kryer krimin në mënyrë të fshehtë, duke goditur natën për të shmangur kamerat dhe dëshmitarët.

Prokuroria bazohet në prova dhe indicie që e lidhin Sh.D. dhe F.D. direkt me krimin e ndodhur më 13 nëntor 2024, pasi më parë kishin tentuar ta vrisnin viktimën më 8 nëntor të po të njëjtit vit.

Në aktakuzë theksohet gjithashtu se marrëdhëniet mes viktimës dhe të pandehurve ishin tensionuar për vite, për shkak të ndërtimeve pa leje dhe mosmarrëveshjeve mbi tokën dhe pronësinë e lokaleve.

Gjykimi pritet të zhvillohet në ditët në vijim në Gjykatën e Shkallës së Parë Tiranë./ CNA





Lajmet e fundit nga