web counter
LEXO PA REKLAMA!

SHKARKO APP

App Store
Google Play

Sekuestrohen 11 pako me euro të falsifikuara/ Katër të arrestuar dhe një në kërkim

23 Nëntor 2025, 10:38, Kronika CNA

Sekuestrohen 11 pako me euro të falsifikuara/ Katër të arrestuar

Policia e kryeqyteti ka goditur një rast të falsifikimit të kartëmonedhave dhe si rezultat ka vënë në pranga 4 persona.

Ndërsa një tjetër është shpallur në kërkim. Në pranga kanë rënë A. B, 19 vjeç, një 17-vjeçar, S. L, 26 vjeç dhe E. A, 19 vjeç. Ndërsa në kërkim është shpallur A. P, 19 vjeç.

Të arrestuarit dhe personi i shpallur në këkrim bashkëpunon në formën e një grupi kriminal për të hedhur në treg kartëmonedha euro të falsifikuara.

Efektivët sekuestruan 11 pako që përmbanin kërtëmonedha euro të falsifikuara.

 

Njoftimi i policisë

 

Finalizohet operacioni policor i koduar “Wrong Delivery”.

 

Bashkëpunonin në formën e një grupi kriminal për hedhjen në treg të kartëmonedhave euro të dyshuara të falsifikuara, vihen në pranga 4 shtetas dhe shpallet në kërkim një tjetër.

 

Sekuestrohen 11 pako që përmbanin kartëmonedha euro të dyshuara të falsifikuara.

 

Seksioni për Hetimin e Krimit Ekonomik e Financiar në DVP Tiranë, nën drejtimin e Prokurorisë, ka finalizuar operacionin policor të koduar “Ërong Delivery”, me qëllim goditjen e veprimtarisë kriminale të falsifikimit të kartëmonedhave.

 

Si rezultat i operacionit, u arrestuan në flagrancë shtetasit A. B, 19 vjeç, banues në Shkodër; një i mitur 17 vjeç, banues në Tiranë; S. L, 26 vjeç, banues në Tiranë dhe E. A, 19 vjeç, banues në Tiranë. Gjithashtu, u shpall në kërkim shtetasi A. P, 19 vjeç, banues në Krujë.

 

Shtetasit S. L., E. A. dhe i mituri u kapën në flagrancë në momentin që po tentonin të tërhiqnin në një postë në Tiranë, 11 pakot që përmbanin kartëmonedha euro të dyshuara të falsifikuara. Këto dërgesa kryheshin nga shtetasi A. B., i cili përdorte një emër tregtar të rremë për të maskuar veprimtarinë dhe për të shpërndarë kartëmonedhat e falsifikuara.

 

Vijon puna për kapjen e shtetasit të shpallur në kërkim, A. P., si dhe për dokumentimin e plotë të kësaj veprimtarie kriminale.

 

Materialet procedurale i janë referuar Prokurorisë së Tiranës, për veprime të mëtejshme.





Lajmet e fundit nga