web counter
LEXO PA REKLAMA!

SHKARKO APP

App Store
Google Play

E fundit!

x

Posedonte armë pa leje dhe lëndë narkotike/ Pranga 23-vjeçarit

23 Nëntor 2025, 12:30, Kronika CNA

Posedonte armë pa leje dhe lëndë narkotike/ Pranga

Policia ka arrestuar një 23-vjeçar i cili qarkullonte me armë zjarri me vete.

Në pranga ka rënë Xh. C., të cilit gjatë kontrollit në automjetin e tij tip BMW iu gjet një armë zjarri e llojit pistoletë.

Armë e cila u sekuestrua në cilësinë e provës materiale së bashku me municion luftarak dhe një sasi lënde narkotike, të cialt gjithashtu u gjetën në makinën  e të arrestuarit.

 

Njoftimi i policisë

 

Finalizohet operacioni policor i koduar “AKSI”, për goditjen e armëmbajtjes pa leje

Qarkullonte me automjet i armatosur me armë zjarri pistoletë, kapet dhe vihet në pranga 23-vjeçari nga Shkodra.

Sekuestrohet një armë zjarri pistoletë, municion luftarak dhe një sasi e vogël lënde narkotike.

Në vijim të punës për sigurimin e informacioneve me qëllim kapjen dhe arrestimin e personave që qarkullojnë të armatosur apo mbajnë në banesë armë zjarri pa leje, shërbimet e Sektorit të Policisë Rrugore në DVP Lezhë, në bashkëpunim me Forcën e Posaçme “Shqiponja”, bazuar në informacionet e siguruara për një të ri që qarkullonte i armatosur, organizuan dhe finalizuan operacionin policor të koduar “Aksi”.

Si rezultat i operacionit, në aksin rrugor “Lezhë–Shkodër”, në fshatin Mabë, shërbimet e Policisë konstatuan një automjet tip BMW që dyshohej se udhëtonte i riu i armatosur dhe e ndaluan për të ushtruar kontroll.

Gjatë kontrollit fizik të drejtuesit të automjetit dhe të çantës që mbante me vete, shërbimet e Policisë gjetën dhe sekuestruan në cilësinë e provës materiale 1 armë zjarri pistoletë, me krehër dhe municion luftarak.

Në vijim të veprimeve procedurale, në bashkëpunim me shërbimet e DVP Shkodër, u ushtrua kontroll edhe në banesën e tij në lagjen “Salo Halili”, në Shkodër, ku gjatë kontrollit shërbimet e Policisë gjetën dhe sekuestruan një sasi të vogël lënde narkotike, e dyshuar kanabis.

Në përfundim të veprimeve procedurale, u arrestua në flagrancë shtetasi Xh. C., 23 vjeç, banues në Shkodër, për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi dhe shitja e narkotikëve”.

Materialet procedurale i kaluan Prokurorisë së Lezhës, për veprime të mëtejshme.





Lajmet e fundit nga