web counter
LEXO PA REKLAMA!

SHKARKO APP

App Store
Google Play

E fundit!

x

Procedohet penalisht 35-vjeçari/ U kap me 15 m3 dru

1 Nëntor 2024, 15:17, Kronika CNA

Procedohet penalisht 35-vjeçari/ U kap me 15 m3 dru

Një 35-vjeçar nga fshati Mesmal i Bashkisë Maliq është proceduar penalisht, pasi u kap duke transportuar lëndë drusore kontrabandë.

Mësohet se 35-vjeçari me inicialet F. P. ka pasur të ngarkuar në kamion 15 metër kub lëndë drusore të llojit ah, ndërsa kamioni ka qenë pa dokumentet përkatëse dhe pa targa.

Në momentin kur i riu u kap duke tentuar të transportonte drutë drejt qytetit të Pogradecit, ai ka kundërshtuar forcat e policisë.

Më tej, janë gjetur në të dyja anët e rrugës së fshatit Mesmal edhe 50 metër kub lëndë drusore e llojit dushk, e cila ishte bërë gati për t’u transportuar me mjete të tonazhit të rëndë.

Procedohet penalisht 35-vjeçari/ U kap me 15 m3 dru

Kontrabanda e lëndëve drusore është një fenomen në rritje në juglindje. Sipas informacioneve të siguruara nga CNA, mësohet se e përfshirë në këtë aktivitet të paligjshëm në Maliq është Drejtoria e Pyjores, pasi dyshohet se kanë lejuar këtë aktivitet, duke përfituar edhe shuma monetare në këmbim të lënies pa ndëshkuar të banorëve, të cilët presin lëndën drusore në masivin pyjor të Mesmalit, si edhe e transportojnë atë në mënyrë kontrabandë.

Lidhur me këtë çështje ka nisur një hetim në bashkëpunim me Prokurorinë e Rrethit Gjyqësor Korçë, për të zbuluar të gjithë personat e implikuar në këtë veprimtari, si edhe për vënien e tyre para organeve të drejtësisë./ CNA





Lajmet e fundit nga