web counter
LEXO PA REKLAMA!

SHKARKO APP

App Store
Google Play

E fundit!

x

Policia del me njoftim zyrtar/ Nga të shtënat, 2 viktima dhe 2 të plagosur

30 Tetor 2024, 17:23, Kronika CNA

Policia del me njoftim zyrtar/ Nga të shtënat, 2 viktima dhe 2 të

Policia ka dalë me një reagim në lidhje me ngjarjen që tronditi pasditen e kësaj të mërkure në Shkodër.

Ndonëse në media u raportua për 4 viktima, policia njofton se nga të shtënat kanë mbetur dy viktima dhe dy të plagosur.

Dy persona kanë qenë duke udhëtuar me makinë kur janë qëlluar me breshëri dhe mjeti i tyre ka përplasur një çift bashkëshortësh, të cilët po udhëtonin me motoçikletë.

Viktimë nga ngjarja mbeti Hamza Liçi, vëllai i Ibrahim Liçit dhe shtetasja A. B., kalimtarja e rastit.

Nga ana tjetër, të plagosur janë bashkëshorti i kësaj të fundit dhe Arlind Bushati, djali i Xhemal Bushatit, ish-kandidatit të Lulzim Bashës për Bashkinë e Shkodrës në zgjedhjet e pjesshme, në vitin 2022.

Njoftimi i plotë:

Rreth orës 15:50, në aksin rrugor “Shkodër-Koplik”, në Dobraç, është qëlluar me armë zjarri në drejtim të një automjeti tip Benz,  në lëvizje, me të cilin qarkullonin shtetasit H. L. dhe A. B.

Policia del me njoftim zyrtar/ Nga të shtënat, 2 viktima dhe 2 të

Si pasojë e të shtënave ka humbur jetën shtetasi H. L., dhe është plagosur rëndë  shtetasi A. B.

Automjeti që udhëtonin shtetasit H.L dhe A.B, dyshohet ka humbur kontrollin dhe për pasojë ka përplasur një motoçikletë që udhëtonte shtetasi B.B dhe bashkëshortja e tij shtetasja F.B,  ku si pasojë e përplasjes së automjetit me motomjetin ka ndërruar jetë shtetasja F.B dhe ndodhet në gjendje të rëndë në spital shtetasi B.B

Në vendngjarje kanë shkuar shërbime të shumta të Policisë dhe Forca Kombëtare e Sigurisë Njësia Shkodër, si dhe janë nisur në ndihmë 2 grupe të Repartit Special “RENEA”.  

Është ngritur një grup i posaçëm hetimor dhe në drejtimin e Prokurorisë vijojnë intensivisht hetimet për zbardhjen e rrethanave dhe sigurimin e provave, me qëllim dokumentimin ligjor të rastit, identifikimin dhe kapjen e autorëve.

Policia del me njoftim zyrtar/ Nga të shtënat, 2 viktima dhe 2 të

Po në ndihmë të grupit hetimor është nisur dhe Drejtori i Departamentit të Policisë Kriminale me një  grup specialistësh të Drejtorisë për Hetimin e  Krimeve të Rënda

Ndërkohë, shërbimet e Policisë kanë rrethuar zonën dhe vijojnë kontrollet në terren dhe në  ambiente të ndryshme, si dhe kanë ngritur pika kontrolli, për të bërë të mundur kapjen e  autorëve./ CNA





Lajmet e fundit nga