web counter
LEXO PA REKLAMA!

SHKARKO APP

App Store
Google Play

E fundit!

x

Policia i fut “ethet” krimit në Korçë/ “Godet më të rrezikshmin” e qarkut

16 Korrik 2022, 11:01, Kronika CNA
Policia i fut “ethet” krimit në Korçë/ “Godet
Foto ilustruese

Policia e Korçës meriton të propozohet për ndonjë medalje te Presidenti Ilir Meta, i cili nuk i kursen.

E çuditshme se si Presidenti nuk i sheh sukseset e Policisë së Korçës, që t’i vlerësojë dhe të krenohet me ta, para se të ikë.

Blutë e Korçës kanë bërë namin së fundmi, i kanë futur “ethet” krimit. Kriminelët nuk ndihen, janë strukur, sidomos pas nisjes së hetimeve ndaj një 31-vjeçari që e kanë kapur duke marrë dhè për lulet.

Pas kapjes së tij, në Korçë dhe rrethinat e saj s’pipëtin më krimi.

Me goditjen e rëndë të kriminelëve që marrin dhè për lulet dhe me sukseset e njëpasnjëshme, gati-gati Korçës nuk i duhet më policia, pasi e ka zhdukur krimin dhe s’ka më me kë të luftojë atje.

Më poshtë po sjellim të dhënat e operacionit të suksesshëm të Policisë së Korçës, që është kurorëzuar me hetimet ndaj “një krimineli” të rrezikshëm që kujdesej për lulet dhe bimët.

“Specialistët për Hetimin e Krimeve në Komisariatin e Policisë Pogradec referuan materialet në Prokurori dhe filloi procedimi penal në gjendje të lirë për shtetasin R. Ç., 31 vjeç, banues në fshatin Barç, Korçë, për veprën penale 'Shpërdorimi i tokës'.

Shërbimet e Policisë, kanë konstatuar shtetasin e mësipërm në vendin e quajtur 'Lumi i Tërhanit' në Pogradec, me mjetin tip 'Benz' të ngarkuar me pleh organik (torfë toke), të cilin dyshohet se e kishte siguruar në mënyrë të kundërligjshme, në tokat e zonës së Maliqit”, njofton Policia e Korçës./CNA.al





Lajmet e fundit nga