web counter
LEXO PA REKLAMA!

SHKARKO APP

App Store
Google Play

Qarkullonte me armë zjarri në automjet të blinduar/ Arrestohet 26-vjeçari, ja çfarë u gjet tjetër gjatë kontrollit

14 Korrik 2022, 17:10, Kronika CNA
Qarkullonte me armë zjarri në automjet të blinduar/ Arrestohet
Foto ilustruese

Shërbimet e Komisariatit të Policisë Nr. 6, në bashkëpunim me Forcën e Posaçme "Shqiponja", në vijim të punës për parandalimin dhe goditjen e veprimtarisë kriminale në fushën e armëmbajtjes pa leje, bazuar dhe në informacionet e marra në rrugë operative se në Kashar, një shtetas i armatosur po lëvizte me një automjet, kanë organizuar punën dhe kanë finalizuar me sukses operacionin policor të koduar “Driving”. 

Si rezultat i këtij operacioni, u bë kapja dhe arrestimi në flagrancë i shtetasit:

- E. D., 26 vjeç, banues në Krujë, për veprën penale "Mbajtja pa leje dhe prodhimi i armëve, armëve shpërthyese dhe i municionit".

Gjatë kontrollit të automjetit me drejtues shtetasin E. D. dhe pasagjer shtetasin S. R., 59 vjeç, në Kashar, shërbimet e Policisë, gjetën një armë zjarri pistoletë, një krehër dhe municion luftarak, të cilat u sekuestruan, në cilësinë e provës materiale, së bashku me automjetin e blinduar, që drejtohej nga shtetasi E. D.

Në vijim të veprimeve, gjatë kontrollit të banesës së shtetasit S. R., u gjetën dhe u sekuestruan, në cilësinë e provës materiale, bizhuteri të ndryshme floriri, për të cilat ky shtetas nuk dispononte dokumentacionin përkatës, si dhe një shumë parash. Vijojnë veprimet hetimore për përcaktimin e burimit të sendeve me vlerë dhe të shumës së parave./ CNA.al 





Lajmet e fundit nga