web counter
LEXO PA REKLAMA!

SHKARKO APP

App Store
Google Play

E fundit!

x

Rrezikuan të mbyteshin në det/ Shpëtohen dy të miturit në Himarë

13 Korrik 2022, 20:11, Kronika CNA
Rrezikuan të mbyteshin në det/ Shpëtohen dy të miturit
Foto ilustruese

Dy të mitur të moshës 13-vjeçare janë shpëtuar nga patrulla e plazhit në Livadh, në bashkëpunim me policinë kufitare, pasi rrezikonin të mbyteshin në det.

Sipas njoftimit nga policia, dy të miturit ishin futur në det me gomone dhe si pasojë e dallgëve të larta nuk kanë mundur të kthehen në breg, duke rrezikuar kështu jetën.

Njoftimi i policisë:

Patrulla e plazhit në Livadh, në bashkëpunim me Policinë Kufitare të Himarës, u vjen në ndihmë 2 shtetasve të mitur, të cilëve iu rrezikua jeta, për shkak të dallgëve të larta të detit .

Gjatë patrullimit të zonës së plazhit, nga shërbimet e planëzuara në plazhe, nga Komisariati i Policisë Himarë, si dhe ato të Policisë Kufitare, me qëllim garantimin e një sezoni turistik të sigurtë për pushuesit, është marrë njoftim nga salla operative për dy shtetas të mitur që ishin futur në det me një gomone plazhi, në plazhin????“Livadh”, Himarë, të cilëve, për shkak të dallgëve të larta të detit, po iu rrezikohej jeta dhe e kishin të pamundur të ktheheshin në breg.

Menjëherë pas marrjes së njoftimit janë organizuar shërbimet, për t’u ardhur në ndihmë fëmijëve.

Shërbimet e Policisë i kanë nxjerrë në breg, në gjendje të mirë shëndetësore 2 fëmijët, të moshës 13-vjeçare, të cilët iu janë bashkuar familjarëve të tyre.

Policia e Vlorës është e angazhuar maksimalisht në shërbim të qytetarëve, vizitorëve dhe turistëve, për të krijuar një ambient sa më të sigurtë dhe në këtë kuadër fton qytetarët të denoncojnë në 112 dhe në Komisariatin Dixhital çdo rast të paligjshmërisë.





Lajmet e fundit nga