web counter
LEXO PA REKLAMA!

SHKARKO APP

App Store
Google Play

E fundit!

x

Silenciatorë, radio policie, municione/ Zbulohet baza e armëve të sofistikuara në Tiranë

13 Korrik 2022, 12:56, Kronika CNA
Silenciatorë, radio policie, municione/ Zbulohet baza e armëve të
Armët e sekuestruara

7 armë zjarri, 4 silenciatorë, municion luftarak, krehër, lëndë e dyshuar narkotike, 2 radio si ato të Policisë, dorashka, 7 maska, një thikë, dokumente të dyshuara të falsifikuara, targa të huaja dhe 2 automjete, janë sekuestruar nga Policia në Tiranë.

Policia njofton se ka vënë në pranga 2 shtetas të identifikuar me inicialet K. Gj., 25 vjeç dhe F. K., 22 vjeçe, aktualisht banues me qira, në Tiranë.

“Shërbimet e Policisë, në bulevardin 'Gjergj Fishta', kanë ndaluar automjetin me drejtues shtetasin K. Gj., të cilit gjatë kontrollit fizik, iu gjet dhe sekuestrua, në cilësinë e provës materiale, një armë zjarri pistoletë.

Në vijim të veprimeve, gjatë kontrollit të ushtruar në 2 banesa të ndryshme, të marra me qira nga ky shtetas (në njërën prej të cilave jetonte shtetasja F. K.), shërbimet e Policisë gjetën dhe sekuestruan, në cilësinë e provës materiale, 4 armë zjarri pistoleta, 2 armë zjarri automatike, 4 silenciatorë, 7 maska, 2 radio si ato të Policisë, një thikë, sasi lënde të dyshuar narkotike cannabis sativa, fishekë të kalibrave të ndryshëm, dorashka, krehra, dokumente të dyshuara të flasifikuara, targa të huaja dhe 2 automjetet që përdornin shtetasit e arrestuar.

Po punohet për identifkimin dhe kapjen e personave të tjerë të implikuar në këtë veprimtari kriminale”, thuhet në njoftimin e Policisë./CNA.al

 





Lajmet e fundit nga