web counter
LEXO PA REKLAMA!

SHKARKO APP

App Store
Google Play

E fundit!

x

“Duhet të dorëzojmë një paketë”/ Karabinierët paraqiten si postierë, arrestojnë shqiptarin, i gjejnë drogë të fshehur në banesë

14 Korrik 2022, 18:43, Kronika CNA
“Duhet të dorëzojmë një paketë”/
Foto ilustruese

Për të kapur trafikantët e drogës, karabinierët në Itali po përdorin çdo lloj mjeti, duke mos injoruar asnjë informacion që ju vjen.

Sipas medias italiane karabinierët kanë pasur sinjal që një i ri 34-vjeçar merrej me trafik droge dhe për të vërtetuar informacionin i kanë vajtuar në shtëpi si postier të një postë ekspres. Sapo 34-vjeçari ka hapur derën ata i kanë vënë prangat dhe kanë kontrolluar banesën e tij.

Ata kishin dyshime se shqiptari me iniciale G.N., merrej me trafik droge dhe bastisja ndodhi pasi ishte planifikuar më parë për të goditur rrjetin që mbushte zonën ku ai jetonte me kokainë dhe kanabis.

Pas informacionit policia ka mbajtur nën vëzhgim shtëpinë dhe ka ndërhyrë pasi kanë arrestuar një 30-vjeçar që ishte klient i shqiptarit, të cilit iu gjet 100 gram hashash dhe më pas rrëfeu skemën si funksiononte rrjeti.

Ndërkohë, në banesë janë gjetur 170 gramë hashash, të fshehura në dhomën e gjumit, ndërsa në dy shishe kishte edhe rreth 50 doza të izoluara me nxehtësi (80 gramë) kokainë, gati për shitje.

Gjithashtu u sekuestruan dy peshore elektronike dhe materiali i përshtatshëm për paketim./CNA.al





Lajmet e fundit nga