web counter
LEXO PA REKLAMA!

SHKARKO APP

App Store
Google Play

E fundit!

x

Policia gjen dy turistë në det/ Njëri ndërron jetë, tjetri në gjendje të rëndë

1 Qershor 2025, 13:52, Kronika CNA

Policia gjen dy turistë në det/ Njëri ndërron jetë,

Dy turistë janë gjetur në ujë nga Policia kufitare në zonën përballë Shkëmbit të Kavajës.

Dyshohet se turistët kanë humbur kontrollin e jet ski dhe kanë rënë në ujë.

Policia ka bërë transportimin e tyre drejt portit ku është konstatuar se një nga turistët kishte ndërruar jetë, ndërsa një tjetër untransportua në spital në gjendje të rëndë shëndetësore.

 

Njoftimi i policisë

Durrës/Informacion paraprak

Rreth orës 11:15, të datës 01.06.2025, shërbimet e Policisë Kufitare Port Durrës janë njoftuar se, në zonën përballë Shkëmbit të Kavajës, dy shtetas që lundronin me një mjet lundrues Jet Ski, dyshohet se gjatë manovrave kanë humbur kontrollin mbi mjetin lundrues dhe kanë rënë në ujë.

Shërbimet e Policisë Kufitare, pas njoftimit të marrë, kanë shkuar me mjet lundrues menjëherë në ndihmë të dy shtetasve që kishin rënë në ujë, duke bërë transportimin e tyre për në port, me qëllim transportimin drejt spitalit. Nga verifikimet paraprake të ekipit të urgjencës së spitalit, që ishte në pritje në port, rezultoi se njëri prej shtetasve që lundronin me Jet Ski, konkretisht shtetasi S. O., 34 vjeç, banues në Angli, kishte humbur jetën, ndërsa shtetasja V. B., 31 vjeçe, banuese në Angli, u transportua menjëherë për në spital në gjendje të rëndë shëndetësore.

Menjëherë është ngritur një grup i posaçëm hetimor dhe nën drejtimin e Prokurorisë vijon puna për zbardhjen e rrethanave dhe dokumentimin ligjor të rastit./ CNA





Lajmet e fundit nga