web counter
LEXO PA REKLAMA!

SHKARKO APP

App Store
Google Play

E fundit!

x

Përplasje për një video në rrjetet sociale për protestën/ Kërcënohet çifti

18 Qershor 2026, 17:00, Kronika CNA

Përplasje për një video në rrjetet sociale për

Një debat i nisur pas publikimit të një videoje në rrjetet sociale ka përfunduar me një kallëzim për kanosje në Komisariatin e Policisë Nr. 2 në Tiranë.

Sipas Policisë, më 17 qershor 2026 është paraqitur shtetasi R. M., i cili ka kallëzuar se gjatë protestës së zhvilluar një ditë më parë, më 16 qershor, është kanosur nga shtetasi G. P. pas një debati lidhur me një video të publikuar në një rrjet social. Në video pretendohej se G. P. pengonte qytetarët të flisnin në podium.

Kallëzuesi ka deklaruar se G. P. i është drejtuar me fjalë që ai i ka konsideruar kërcënuese. Po ashtu, ai ka pretenduar se si ai ashtu edhe bashkëshortja e tij ndihen të kërcënuar nga shtetasi në fjalë.

Nga ana tjetër, Policia ka marrë në pyetje edhe shtetasin G. P., i cili ka pranuar se ka kërkuar sqarime lidhur me videon e publikuar në rrjetin social.

“Sqarojmë se më datë 17.06.2026, në Komisariatin e Policisë Nr. 2 Tiranë është paraqitur shtetasi R. M., i cili ka kallëzuar se gjatë protestës së zhvilluar më 16.06.2026 është kanosur nga shtetasi G. P., pas një debati lidhur me publikimin e një videoje në një rrjet social, ku pretendohej se shtetasi G. P. pengonte qytetarët të flisnin në podium.

Sipas kallëzimit, ky i fundit i është drejtuar me fjalë që kallëzuesi i ka konsideruar kërcënuese.

Gjithashtu, kallëzuesi ka deklaruar se ai dhe bashkëshortja e tij ndihen të kërcënuar nga shtetasi G. P.

Policia ka thirrur dhe i ka marrë deklarim shtetasit G. P., i cili ka pranuar se ka kërkuar sqarime nga kallëzuesi për videon e publikuar në një rrjet social.

Në lidhje me këtë rast, materialet do t’i referohen Prokurorisë për veprime të mëtejshme”, thuhet në njoftim./ CNA





Lajmet e fundit nga