web counter
LEXO PA REKLAMA!

SHKARKO APP

App Store
Google Play

E fundit!

x

U dhunua së bashku me gruan/ Flet i lënduari: Më thanë 'jemi policia', ishin me rroba si të RENEA-s

17 Qershor 2026, 13:15, Kronika CNA

U dhunua së bashku me gruan/ Flet i lënduari: Më thanë

Shtetasi me iniciale S. N., i dhunuar ditën e sotme bashkë me bashkëshorten në afërsi të banesës së tij në fshatin Arst të Fushë-Arrëzit, ka dhënë dëshminë e tij për mediet.

I dhunuari ka treguar se ishte duke u kthyer nga puna në HEC në momentin që pesë persona i kanë dalë përpara dhe i janë prezantuar si policia.

Ai thotë se këta persona ishin të maskuar dhe me veshje të ngjashme me ato të RENEA-s.

Sa i përket shkakut të mundshëm të këtij dhunimi, S. N. shprehet se para 4 ditësh ka pasur një konflikt me një familje të fshatit dhe 4 vite më parë e kanë akuzuar për spiunim.

“Isha duke u kthyer nga puna nga HEC-i. Më kanë dalë pesë persona përpara dhe më thanë 'ndal policia'. Kam ndaluar, ishin me maska dhe rroba të ngjashme me ato të RENEA-s. Njëri kishte automatik, të tjerët shkopinj gome. Nuk di çfarë ka ndodhur, vetëm më kanë qëlluar. Dhe di që më kanë thënë një herë 'mos bërtit', pastaj ka dalë gruaja dhe e kanë rrahur edhe atë. Para katër ditësh kam pasur një konflikt me një familje në fshat për dredhëza. Me të njëjtët kam pasur edhe 4 vite më parë, më kanë akuzuar se kam spiunuar. Kam kërkuar t’i betohem e kam bërë çdo gjë që nuk kam paditur e spiunuar asnjë, por nuk kanë pranuar. I vetmi konflikt ky është”, thotë ai.





Lajmet e fundit nga