web counter
LEXO PA REKLAMA!

SHKARKO APP

App Store
Google Play

Përplasja për blerje votash në Dibër/ Policia nis hetimet

10 Maj 2025, 22:57, Kronika CNA

Përplasja për blerje votash në Dibër/ Policia nis hetimet

Policia e Dibrës ka dhënë një informacion paraprak në lidhje me ngjarjen e raportuar rreth dy orë më parë ku kishte ndodhur një përplasje për vota në Dibër.

Në njoftimin e policisë thuhet se kandidati për deputet i PD, Xhemal Gjunkshi ka telefonuar në sallën operative dhe kla pretenduar se kanë ndalaur një shtetas të dyshuar se shpërndante para në këmbim të votave.

Gjunkshi gjithashtu ka pretenduar se një person ka qëlluar me armë zjarri teksa është larguar.

Policia njofton se nën drejtimin e SPAK po kryen hetimet për zbardhjen e rastit.

 

Njoftimi i policisë

 

Dibër/Informacion paraprak

Rreth orës 20.25 shtetasi Xh.Gj., (kanditat për deputet i subjektit politik Partia Demokratike), ka telefonuar në sallën operative të Drejtorisë Vendore të Policisë Dibër, i cili pretendonte se në fshatin Pilafe, njësia Administrative Tomin, kanë ndaluar një shtetas që dyshohej se shpërndante para në këmbim të votave.

Gjithashtu shtetasi Xh.Gj., paraprakisht ka pretenduar se një person teksa është larguar ka qëlluar njëherë me armë zjarri në ajër.

Menjëherë është ngritur grupi hetimor i Drejtorisë Vendore të Policisë Dibër dhe nën drejtimin e Spak dhe të Prokurorisë të Juridiksionit të Përgjithshëm Dibër po kryejnë hetimet për zbardhjen e rastit./ CNA





Lajmet e fundit nga