web counter
LEXO PA REKLAMA!

SHKARKO APP

App Store
Google Play

Pamjet/ Bastisen zyrat e Postave “Elite dhe Expres24”, dyshime për evazion dhe kontrabandë

4 Shkurt 2026, 22:20, Kronika CNA

Pamjet/ Bastisen zyrat e Postave “Elite dhe Expres24”, dyshime

WebLajm.com sjell pamjet nga aksioni Policisë dhe Prokurorisë Tiranë ndaj postave private.

Burime sqaruan se janë sekuestruar kompjuterat dhe dokumenta në zyrat e Elite Post dhe Expres24 Post.

Dyshimet janë se këto dy kompani ka pranuar dhe shpërndarë mallra të pa zhdoganuar dhe pa fatura tatimore.

Ky hetim ndiqet nga prokurori Ndini Tavani dhe sektori Krimit Ekonomik në Policinë e Tiranës.

Për këtë hetim Prokuroria e Tiranës njoftoi zyrtarisht se:

PROKURORIA PRANË GJYKATËS SË SHKALLËS SË PARË TË JURIDIKSIONIT TË PËRGJITHSHËM TIRANË

Hetime subjekteve që ofrojnë shërbime postare, Prokuroria Tiranë regjistron procedim penal për evazion fiskal për mallrat që shiten pa faturë, sekuestrohen 13 mln lekë

Prokuroria pranë Gjykatës së Shkallës së Parë të Juridiksionit të Përgjithshëm Tiranë regjistron procedimin penal nr.156, viti 2026, për veprën penale të evazionit fiskal, të parashikuar nga neni 180 i Kodit Penal.

Pas lejimit nga gjykata, me kërkesë të organit procedues, si rrjedhojë u ushtruan kontrolle në disa subjekte që ofrojnë shërbime postare në kryeqytet.

Deri më tani, nga kontrollet janë sekuestruar sasi të konsiderueshme mallrash të marra në dorëzim pa fatura tatimore, 13 milionë lekë, si dhe dokumentacion shoqërues, prova që sipas Prokurorisë pranë Gjykatës së Shkallës së Parë të Juridiksionit të Përgjithshëm, Tiranë, tregojnë paligjshmëri në drejtim të evazionit fiskal, si dhe shuma parash që dyshohen se rrjedhin nga aktiviteti i paligjshëm.

Hetimet vijojnë për identifikimin e shitësve realë dhe dokumentimin e plotë të veprimtarisë së kundërligjshme./Weblajm





Lajmet e fundit nga