web counter
LEXO PA REKLAMA!

SHKARKO APP

App Store
Google Play

Transport i medikamenteve kontrabandë në Vlorë/ Arrestohet babai, procedohet i biri

4 Shkurt 2026, 17:54, Kronika CNA

Transport i medikamenteve kontrabandë në Vlorë/ Arrestohet babai,

Një aksion në fushën e kontrabandës së mallrave ka përfunduar në vënien në pranga të një 53-vjeçari dhe procedimin penal të të birit.

Shtetasi P.Ç, u kap në flagrancë, teksa transportonte medikamente mjekësore të dyshuara të kontrabanduara nga Italia.

Njoftimi:

Specialistët për Hetimin e Krimeve Ekonomiko-Financiare të DVP Vlorë, si rezultat i kontrolleve intensive dhe i verifikimeve të kryera në subjekte të ndryshme, me qëllim parandalimin, evidentimin dhe goditjen e veprimtarive të paligjshme, bazuar dhe në informacionet e siguruara në rrugë operative, kanë goditur një rast të tregtimit të mallrave të kontrabanduara.

Në vijim të veprimeve për këtë rast, u arrestua shtetasi P. Ç., 53 vjeç dhe nisi procedimi penal për djalin e tij, shtetasin D. Ç., 26 vjeç, të dy banues në Vlorë.

Shtetasi P. Ç. u kap në flagrancë nga shërbimet e Policisë, mbrëmjen e djeshme, duke transportuar me automjet, mallra (medikamente mjekësore dhe celularë) të dyshuara të kontrabanduara nga Italia.

Vijojnë hetimet për dokumentimin e veprimtarisë kriminale të këtyre shtetasve dhe identifikimin e shtetasve të tjerë që mund të jenë të përfshirë.

Materialet procedurale iu referuan Prokurorisë së Vlorës, për veprime të mëtejshme./CNA

 





Lajmet e fundit nga