web counter
LEXO PA REKLAMA!

SHKARKO APP

App Store
Google Play

Lëviznin me automjet me qëllim shitjen e narkotikëve/ Arrestohet një person në Berat, një tjetër procedohet

2 Shkurt 2026, 15:30, Kronika CNA

Lëviznin me automjet me qëllim shitjen e narkotikëve/ Arrestohet

Një person është arrestuar në Berat dhe një tjetër është proceduar penalisht pasi u kapën duke lëvizur me automjet me qëllim shitjen e lëndëve narkotike. Në pranga është vënë shtetasi N. Ç., 40 vjeç, ndërsa është proceduar shtetasi K. Q., 28 vjeç.

Dyshja u ndaluan në aksin rrugor Dimal-Kuçovë dhe nga kontrolli në automjetin e tyre u gjetën dhe sekuestruan sasi kokaine dhe kanabisi.

Njoftimi i policisë:

Berat/Vijojnë goditjet kundër prodhimit/shitjes së narkotikëve.

Lëviznin me automjet, për të shitur lëndë narkotike Kokainë dhe Cannabis, arrestohet 1 shtetas (drejtuesi i automjetit) dhe procedohet penalisht 1 (pasagjeri në automjet).

Gjenden në automjet dhe sekuestrohen sasi të këtyre lëndëve.

Si rezultat i administrimit të shpejtë të informacioneve të siguruara në rrugë operative, se 2 shtetas lëviznin me automjet, në aksin rrugor “Dimal-Kuçovë”, për të shitur lëndë narkotike, shërbimet e Drejtorisë Vendore të Policisë Berat mundësuan lokalizimin dhe ndalimin e automjetit të dyshuar, me drejtues shtetasin N. Ç., 40 vjeç dhe pasagjer shtetasin K. Q., 28 vjeç.

Nga kontrolli në këtë automjet u gjetën sasi të lëndëve narkotike Kokainë dhe Cannabis Sativa, të cilat dyshohet se posedoheshin me qëllim shitjen nga 2 shtetasit.

Në përfundim të veprimeve procedurale për rastin, 40-vjeçari u arrestua në flagrancë, ndërsa 28-vjeçari u procedua në gjendje të lirë, për veprën penale “Prodhimi dhe shitja e narkotikëve”.

Materialet procedurale iu referuan Prokurorisë së Beratit, për veprime të mëtejshme. /CNA





Lajmet e fundit nga