web counter
LEXO PA REKLAMA!

SHKARKO APP

App Store
Google Play

Kontrabandë me 360 shishe vere/ Arrestohet në flagrancë 37-vjeçari në Portin e Durrësit

1 Shkurt 2026, 13:44, Kronika CNA

Kontrabandë me 360 shishe vere/ Arrestohet në flagrancë

Një 37-vjeçar u arrestua në flagrancë, pasi tentoi të kontrabandonte mallra duke i fshehur në kamionin që drejtonte.  

Shtetasi J. T., banues në Tiranë, u vu në pranga pas një kontrolli në Portin e Durrësit

Si pjesë e aksionit u sekuestruan 360 shishe vere dhe pjesë të ndryshme këmbimi automjetesh të përdorura, të gjitha të padeklaruara.

Njoftimi:

Si rezultat i kontrolleve të imtësishme të ushtruara në hyrje-dalje nga shërbimet e Policisë Kufitare të PKK Port, Durrës, të bazuara në informacione policore dhe në analizën e riskut

u arrestua në flagrancë shtetasi J. T., 37 vjeç, banues në Tiranë.

Gjatë kontrollit shërbimet e Policisë Kufitare gjetën të  fshehura në kamionin që drejtonte qindra shishe me verë dhe pjesë të ndryshme këmbimi automjetesh, pa faturë origjine dhe pa deklaratë importi.

Nga veprimet hetimore dyshohet se ky shtetas ka tentuar t’i shmanget kontrollit doganor dhe kufitar, duke mos deklaruar sasinë e mallrave para autoriteteve doganore dhe kufitare.

U sekuestruan në cilësinë e provës materiale: 360 shishe verë, pjesë të ndryshme këmbimi automjetesh të përdorura, aparati celular dhe kamioni me të cilin po transportoheshin mallrat e padeklaruara.

Materialet procedurale iu referuan Prokurorisë së Durrësit, për veprime të mëtejshme./CNA

 

 

 

 





Lajmet e fundit nga