web counter
LEXO PA REKLAMA!

SHKARKO APP

App Store
Google Play

U kap duke vjedhur/ Arrestohet i riu në Kavajë

2 Shkurt 2026, 15:14, Kronika CNA

U kap duke vjedhur/ Arrestohet i riu në Kavajë

Një 25-vjeçar është arrestuar në Kavajë pasi u kap duke vjedhur në një banesë dhe kishte tentuar të vidhte një ditë më parë edhe në dy të tjera. Në pranga është vënë shtetasi G. D., banues në Sarandë.

Sipas informacioneve policore, ai ishte i dënuar më parë për të njëjtin krim. Ndërkohë policia ka sekuestruar aksesorët që i riu kishte vjedhur, 5 ora dhe 3 unaza.

Policia po punon për zbardhjen e vjedhjeve të tjera që 25-vjeçari mund të ketë kryer.

Njoftimi i policisë:

Kavajë/Finalizohet operacioni i koduar “Houses”, në vijim të punës hetimore dhe operacionale për zbardhjen e vjedhjeve.

Më 1 shkurt, tentoi të vidhte në 2 banesa, kapet menjëherë sapo kishte vjedhur disa aksesorë, në një banesë tjetër, 25-vjeçari.

25-vjeçari, banues në Sarandë, i dënuar më parë, për të njëjtin krim.

Sekuestrohen aksesorët e vjedhur (5 ora dhe 3 unaza).

Në vijim të veprimeve hetimore dhe operacionale, të kryera menjëherë pas kallëzimeve të qytetarëve, për raste të vjedhjes së pronës/pasurisë së tyre, shërbimet e Komisariatit të Policisë Kavajë finalizuan operacionin e koduar “Houses”, si rezultat i të cilit u zbardhën tri vjedhje/tentativa për vjedhje në banesa.

Gjithashtu, u kap menjëherë pas kryerjes së një vjedhjeje, dje, në një banesë në lagjen nr. 2, shtetasi G. D., 25 vjeç, banues në Sarandë.

Nga veprimet hetimore dyshohet se ky shtetas, dje, ka tentuar të vjedhë edhe në 2 banesa, në fshatin Blerimaj.

Vijon hetimi për të zbardhur vjedhje të tjera që mund të ketë kryer 25-vjeçari.

Materialet procedurale iu referuan Prokurorisë së Durrësit, për veprime të mëtejshme. /CNA





Lajmet e fundit nga