web counter
LEXO PA REKLAMA!

SHKARKO APP

App Store
Google Play

E fundit!

x

Operacion në Shkodër/ Kapen disa persona të shpallur në kërkim

24 Nëntor 2024, 10:06, Kronika CNA

Operacion në Shkodër/ Kapen disa persona të shpallur në

Në Shkodër është zhvilluar një operacion policor për kapjen e personave të shpallur në kërkim dhe për parandalimin dhe goditjen e paligjshmërive.

Si rezultat i kontrolleve është vënë në pranga një shtetas 28-vjeçar i shpallur në kërkim për armëmbajtje pa leje dhe prishje të qetësisë publike.

Po gjatë kontrolleve u arrestua në flagrancë edhe një 24-vjeçar, për veprën penale largimi i të burgosurit nga vendi qëndrimit.

Si dhe është proceduar penalisht drejtuesi i automjetit me të cilin udhëtonin këta dy shtetas.

Në vijim të kontrolleve bazuar dhe në inteligjencën policore, për lokalizimin dhe kapjen e personave të shpallur në kërkim, Forcat e Posaçme “Shqiponja”, në bashkëpunim me shërbimet e Komisariatit të Policisë Shkodër, kapën në vendin e quajtur “5 Heronjtë”, në fshatin Dobraç, dhe ndaluan shtetasin Z. K., 28 vjeç, banues në fshatin Mushë.

Ky shtetas ishte shpallur në kërkim, pasi Gjykata e Shkallës së Parë e Juridiksionit të Përgjithshëm Shkodër i ka caktuar masën e sigurisë “Arrest në burg”, për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Prishja e qetësisë publike”.

Gjithashtu, u arrestua në flagrancë shtetasi L. K., 24 vjeç, banues në fshatin Grudë e Re, për veprën penale “Largimi i të burgosurit nga vendi qëndrimit”, pasi ka thyer masën e sigurisë person me masë sigurimi “Arrest në shtëpi”, .

Gjithashtu u procedua në gjendje të lirë shtetasi G. S., 43 vjeç, banues në fshatin Ndërlysaj, i cili drejtonte automjetin “Volkswagen Sharon” me të cilin po lëviznin këta dy shtetas./ CNA

 





Lajmet e fundit nga