web counter
LEXO PA REKLAMA!

SHKARKO APP

Probleme me energjinë elektrike në juglindje

23 Nëntor 2024, 12:15, Kronika CNA

Probleme me energjinë elektrike në juglindje

Moti i keq me temperatura të ulëta ka përfshirë edhe qarkun e Korçës prej mbrëmjes të së premtes.

Në zonat e ulëta ka pasur reshje shiu, të shoqëruara edhe me erë të fortë, ndërsa në zonat e larta malore ka pasur reshje shiu dhe dëbore.

Ky mot ka sjellë edhe problematikat e para në qark, që kanë të bëjnë kryesisht me energjinë elektrike.

Si pasojë e erërave të forta ka shkëputje të energjisë elektrike në disa fshatra të bashkisë Korçë, Pogradec, Maliq, Kolonjë dhe Devoll.

Konkretisht probleme ka:

Fideri Podgozhan Nst/Guri i Kuq me difekt, pa energji 100 abonentë ruralë, zona Bishnicë, Jolle, Selcë e sipërme.

Fideri 17 Nst Korçë, pa energji 58 abonentë, zona Goskovë.

Fideri Vithkuq nst Rehovë, pa energji zona Lekas, 150 abonentë ruralë.

Fideri 6 nst Mollas, pa energji zona Grabockë, 5 abonentë ruralë.

Fideri 4 nst Lozhan, pa energji zona Maliq-Opar, Nikollarë, 4 abonentë.

Grupet e punës po punojnë për rikthimin e energjisë elektrike në të gjithë territorin.

Gjatë natës, si pasojë e erërave të forta është dëmtuar një pemë në parkun e Drilonit.

Fatmirësisht nuk ka shkaktuar problematika të tjera, ndërkohë që prej mëngjesit të sotëm është hequr nga grupet e punës.

Strukturat në nivel qarku dhe çdo bashki janë në gatishmëri për çdo shërbim të nevojshëm dhe situate të krijuar nga moti në vazhdim./ CNA





Lajmet e fundit nga