web counter
LEXO PA REKLAMA!

SHKARKO APP

App Store
Google Play

E fundit!

x

Personi misterioz në masakrën e Dobraçit/ Zbardhet dëshmia e efektivëve

22 Nëntor 2024, 15:35, Kronika CNA

Personi misterioz në masakrën e Dobraçit/ Zbardhet dëshmia

Pas masakrës në Dobraç me 4 viktima, një rrjet qarkulloi videoja e një personi që kalonte pranë vendngjarjes.

Në media u aludua se ky person është Ibrahim Lici, vëllai i viktimës Hamza Lici, ndërsa ende nuk është konfirmuar.

Për masakrën në Dobraç  po hetohen për “shpërdorim detyre” 4 punonjës policie, të cilët akuzohen se nuk kanë identifikuar personat e gjetur në vendin e ngjarjes dhe nuk kanë respektuar procedurën standarde të sigurimit të vendit të ngjarjes.

Efektivët dolën këtë të enjte në gjykatë, ku thanë se fillimisht janë njoftuar se kishte ndodhur një aksident dhe jo për atentatin.

Ata deklaruan se kanë rrethuar menjëherë vendin e ngjarjes dhe kanë kërkuar ndihmë nga salla operative.

Sa i përket personi që është shfaqur pranë tyre, efektivët thanë se nuk e njohën dhe nuk e dinë nëse është ose jo Ibrahim Lici.

“Ne jemi patrulla e dytë që kemi mbërritur në vendngjarje dhe kur kemi shkuar kemi parë shumë kaos, me shumë persona që ndodheshin aty, rreth 50 vetë. Nuk kemi qenë të planizuar aty, por kemi dëgjuar në radio se ka aksident rrugor dhe jemi nisur për atje. Sapo kemi mbërritur kemi respektuar procedurat standarde. Dy vetë kemi bërë rrethimin e vendngjarjes për të bllokuar kalimin dhe dy të tjerë kanë qëndruar aty. Pasi mbërritëm kuptuam se nuk bëhet fjalë për aksident rrugor, por për vrasje me armë zjarri. Menjëherë kemi njoftuar sallën operative dhe ambulancën njëkohësisht. Sapo ka mbërritur ambulanca kemi dhënë ndihmën e parë për të plagosurit që ishin ende gjallë për t’i transportuar drejt urgjencës të spitalit. Personin e tretë që flitet nuk e kemi njohur se kush është. Nuk kemi patur asnjë dijeni nëse është Ibrahim Lici apo dikush tjetër sepse nuk e njohim. Prioritet kemi patur që të rrethojmë vendngjarjen sepse ishte kaos i plotë dhe t’i japim ndihmë të plagosurve që ishin ende gjallë”, theksuan ata në gjykatë./ CNA





Lajmet e fundit nga