web counter
LEXO PA REKLAMA!

SHKARKO APP

App Store
Google Play

Përzienin vajra të ndryshëm dhe i shisni si vaj ulliri bio/ Arrestohet 56-vjeçari, në kërkim djali i tij

23 Nëntor 2024, 10:27, Kronika CNA

Përzienin vajra të ndryshëm dhe i shisni si vaj ulliri bio/

Policia ka arrestuar një person dhe ka shpallur në kërkim një tjetër pas denoncimit të marrë nga gazetarët e emisionit investigativ "Stop".

Në pranga ka rënë 56-vjeçari me iniciale A. A., ndërsa në kërkim u shpall djali i tij D. A, 29 vjeç, të dy banues në fshatin Tapi, Kuçovë. Ata akuzonen për veprat penale “Fshehja e të ardhurave” dhe "Mashtrimi me produktet ushqimore", kryer në bashkëpunim.

Nga veprimet hetimore të kryera, ka rezultuar se shtetasit A. A. dhe D. A në bashkëpunim me njëri-tjetrin, kanë përshtatur në banesën e tyre një ambient ku përgatisnin përzjerje të vajrave të ndryshëm dhe produkteve të panjohura, më pas i reklamonin në faqen e  Facebook “Vaj Ulliri Bio Jugu” dhe i shisnin si vaj ulliri bio.

Nga veprimet hetimore është dokumentuar ligjërisht fakti se autorët e dyshuar i përgatisnin keto produkte në banesen e tyre dhe me pas i tregtonin te shtetas të ndryshem në të gjithë vendin nëpërmjet një poste private.

Në cilësinë e provës materiale janë sekuestruar rreth 3000 litra lëndë vajore e papërcaktuar, 1000 litra, e dyshuar vaj kikiriku, një lap-top dhe printeri me të cilin printoheshin etiketat postare, 2 900 000 lekë dhe 1800 euro, të cilat dyshohet se janë përfituar nga kjo veprimtari e kundraligjshme./ CNA





Lajmet e fundit nga