web counter
LEXO PA REKLAMA!

SHKARKO APP

App Store
Google Play

Në kërkim për një tentativë vrasjeje në Berat/ Ekstradohet nga Spanja 46-vjeçari shqiptar

8 Dhjetor 2025, 10:31, Kronika CNA

Në kërkim për një tentativë vrasjeje në Berat/

Një shtetas 46-vjeçar është ekstraduar nga Spanja, i dyshuar se në bashkëpunim me 3 shtetas të tjerë, tentoi të kryente një vrasje në maj të vitit 2023 në qytetin e Beratit.

I ekstraduari në kuadër të operacionit “Objektivi” është shtetasi E.G., banues në Tiranë.

Ndaj tij, Gjykata e Shkallës së Parë të Juridiksionit të Përgjithshëm Berat ka caktuar masën e sigurisë “Arrest në burg”, për veprat penale “Sigurimi i kushteve dhe i mjeteve materiale për të kryer vrasje” dhe “Mbajtja pa leje dhe prodhimi i armëve, armëve shpërthyese dhe i municionit”, kryer në bashkëpunim.

Njoftimi:

Si rezultat i koordinimit të veprimeve ndërmjet specialistëve të Interpol Tiranës dhe homologëve të Interpol Madridit, u finalizua, në kuadër të operacionit “The Ëanted”, procedura për ekstradimin nga Spanja në Shqipëri të shtetasit shqiptar të shpallur në kërkim ndërkombëtar, E. G., 46 vjeç, banues në Tiranë.

Ky shtetas dyshohet se, në maj të vitit 2023, në bashkëpunim me 3 shtetas të tjerë, kanë tentuar të vrisnin 1 shtetas.

Ngjarja kriminale u parandalua si rezultat i ndërhyrjes së Policisë së Beratit, në kuadër të operacionit “Objektivi”.

Materialet procedurale i kaluan Prokurorisë së Juridiksionit të Përgjithshëm Berat, për veprime të mëtejshme./CNA





Lajmet e fundit nga