web counter
LEXO PA REKLAMA!

SHKARKO APP

App Store
Google Play

Aksion i ‘Rrugores’ në Tiranë/ Rreth 3 mijë gjoba për parkime të gabuara, 11 të proceduar

7 Dhjetor 2025, 15:53, Kronika CNA

Aksion i ‘Rrugores’ në Tiranë/ Rreth 3 mijë gjoba

Policia Rrugore e Tiranës ka zhvilluar kontrolle të shumta gjatë 48 orëve të fundit nëpër kryeqytet, me fokus të veçantë tek drejtuesit e automjeteve që nuk respektojnë radhën në trafik dhe kryejnë parakalime të rrezikshme.

Si rezultat i kontrolleve, Policia Rrugore ka ndërrmarrë masa si më poshtë:

-ka ngritur me karrotrec 17 mjete, për mungesë dokumentacioni, modifikime të paligjshme ose parkime të parregullta që pengonin qarkullimin;

- ka konstatuar 37 drejtues mjetesh nën ndikimin e alkoolit, të cilët përbënin rrezik të drejtpërdrejtë për sigurinë publike dhe u ndëshkuan sipas procedurës ligjore;

 -ka vendosur 2758 masa administrative për parkime të gabuara, një fenomen i përhapur që vijon të krijojë vështirësi në qarkullimin e përditshëm;

 -ka proceduar penalisht 11 shtetas, për vepra të ndryshme penale në fushën e qarkullimit rrugor.

Policia Rrugore u bën apel drejtuesve të automjeteve të tregojnë përgjegjësi maksimale, të respektojnë rregullat e qarkullimit dhe sinjalistikën rrugore, dhe të shmangin çdo sjellje që cënon sigurinë e tyre dhe të përdoruesve të tjerë të rrugës, teksa garanton se kontrollet do të vijojnë me intensitet të lartë, në të gjitha akset e kryeqytetit./CNA





Lajmet e fundit nga